Almatyda qalaǵa kiretin jáne shyǵatyn jerlerde baqylaý-ótkizý pýnktteri ornatyla ma degen suraqqa qalanyń bas sanıtarlyq dárigeri Jandarbek Bekshın jaýap berdi, dep habarlaıdy Egemen.kz
"Joq. Syrtqy perımetrler boıynsha ázirge blokbeketter qoıylmaıdy. Sondyqtan qala men oblys turǵyndary qalaǵa erkin kirip, shyǵa alady", dedi ol. Eskerte keteıik, Qazaqstanda demalys kúnderi − 20-21 maýsym aralyǵynda shekteýli sharalar kúsheıtiletin bolady.
Aldyńǵy aqparattarda aıtqanymyzdaı, qala basshysy Baqytjan Saǵyntaev qala turǵyndaryna indetti aýyzdyqtaýda arnaıy shekteýler qoıylatyny týraly aıtty. Onyń aıtýynsha, koronavırýstyń órshýine baılanysty Úkimet epıdemııalyq jaǵdaıdy turaqtandyrý boıynsha jańa sharalardy qabyldady. Osyǵan oraı Almatyda karantın rejimin kúsheıtý boıynsha qosymsha sharalar júzege asyrylyp jatyr. Senbi, jeksenbi kúnderi iri saýda jáne qyzmet kórsetý nysandarynyń, qoǵamdyq kólikterdiń jumysy toqtatylady deıdi qala ákimi.