2020 jyldyń 1 toqsanynda respýblıkada profılaktıkalyq egýlerden 1 423 bas tartý esepke alyndy. О́tken jylmen salystyrǵanda 13 paıyzǵa óskeni baıqaldy. Bul týraly Densaýlyq saqtaý mınıstriniń mindetin atqarýshy Lázzat Aqtaeva Úkimet otyrsynda aıtty, - dep jazady Egemen.kz
"2020 jyldyń 5 aıynda 1 411 647 adam egildi. Qazaqstanda vaksınasııamen qamtý egýge jatatyndar sanynyń 92%-yn qurady. Vaksınasııalaýmen jetkiliksiz qamtý tótenshe jaǵdaı kezinde josparly profılaktıkalyq egýler júrgizýdiń toqtatylýyna baılanysty. Qazirgi ýaqytta josparly vaksınasııa qaıta bastaldy, onyń ishinde tótenshe jaǵdaı kezinde ekpe almaǵan balalar egilýde", dedi Lázzat Aqtaeva.
Vıse-mınıstrdiń aıtýynsha, 2020 jyldyń 1 toqsanynda respýblıkada profılaktıkalyq egýlerden 1 423 bas tartý esepke alyndy, 2019 jyldyń osyndaı kezeńimen salystyrǵanda 13 paıyzǵa óskeni baıqaldy. Bul rette bas tartqan adamdar arasynda egilgender sany 725-ten 309-ǵa deıin 2 ese tómendedi.
"Bas tartý sebepteri boıynsha eń úlken úles salmaq jeke senim boıynsha bas tartýǵa keledi jáne ol jalpy bas tartý sanynyń 52,9%-yn quraıdy, dinı paıymdaýlar boıynsha – 29, vaksınaǵa senimsizdik – 11, BAQ-taǵy teris aqparat boıynsha – 6 paıyz. Bas tartqandar arasynda 309 adam egildi", dedi ol.