Indýstrııa jáne ınfraqurylymdyq damý mınıstri Beıbit Atamqulov óńir ákimdikteiniń ókilderimen selektorlyq rejımde keńes ótkizdi. Bul týraly Egemen.kz mınıstrliktiń baspasóz qyzmetine silteme jasap habarlaıdy.
Jıyn barysynda Indýstrııalandyrý kartasyna engen jobalardy júzege asyrý, sondaı-aq arnaıy ekonomıkalyq jáne ındýstrııalyq aımaqtardyń damý barysy talqylandy.
Aǵymdaǵy jyly Indýstrııalandyrý kartasy sheńberinde taý-ken metallýrgııa kesheninde, qurylys ındýstrııasynda, hımııa ónerkásibinde, mashına jasaýda, munaı-gaz hımııasy, munaı óńdeý, farmasevtıka, agroónerkásiptik keshende, tamaq ónimderin óndirýde 1,1 trln teńgege 160 jobany iske asyrý kózdelip otyr. 17 myńnan astam turaqty jumys orny qurylady.
Keńes barysynda Mınıstr salynyp jatqan nysandardy tapsyrý merzimin baqylaýdy tapsyrdy. Aımaq ókilderine qurylys-montaj jumystaryn júrgizý kestesin qaıta qaraý jáne karantın sharalary alynǵannan keıin áleýmettik mańyzy bar obektiler qurylysynyń qarqynyn kúsheıtý qajettiligi týraly tıisti usynystar berildi. Sondaı-aq, Úkimettiń tapsyrmasyna sáıkes óńirlerde josparlanǵan kórsetkishterge qol jetkizý maqsatynda kásipkerlikti qoldaý kartalary boıynsha qosymsha jumystar júrgizýi tıis.
Sondaı-aq, Qaraǵandy oblysynyń ókilderi TOP-10 Memorandým jobalary jaıynda baıandasa, Nur-Sultan qalasy men Pavlodar oblysy ákimdikteriniń ókilderi kásipkerlikti qoldaý kartasyna jańa jobalardy engizý boıynsha júrgizilip jatqan jumystar týraly aıtty.
Arnaıy ekonomıkalyq jáne ındýstrııalyq aımaqtardyń damýy týraly QR IIDM Indýstrııalyq damý jáne ónerkásiptik qaýipsizdik komıtetiniń tóraǵasy Qanat Baıtov baıandady.
Ol óz sózinde ınvestısııalardy tartý jáne AEA jobalarmen toltyrý maqsatynda turaqty negizde AEA qyzmetiniń basym túrleriniń tizbesi tolyqtyrylyp, AEA aýmaǵy keńeıtilip turatyndyǵyn atap ótti. Mysaly, 2019 jyldyń ózinde jeńil ónerkásip, metall óńdeý, zergerlik buıymdar óndirisi, áleýmettik jáne kólik ınfraqurylymy obektileriniń qurylysy salalarynda 22 jańa qyzmetpen tolyqtyryldy.
Bıyl "Astana – tehnopolıs", "Qyzyljar", "Aqtaý teńiz porty" AEA aýmaqtary keńeıtildi, sondaı-aq "Turkistan" AEA (áýejaı qyzmeti, "Kerýen Saraı" kesheni), "Aqtaý teńiz porty" ("AktauResortHotel" qonaq úı kesheni), "Innovasııalyq tehnologııalar parki" (ınternet saýda úshin) qyzmet túrleri keńeıtildi, "Pavlodar"AEA qatysýshylary úshin nóldik mólsherleme boıynsha qosymsha qun salyǵy salynatyn taýarlar tizbesi keńeıtildi.
Sondaı-aq AEA men IA damytý úshin erekshe ındýstrııalyq aımaq qurý, memlekettik-jeke menshik áriptestik jobalaryn iske asyrý máseleleri boıynsha zańnamalyq aktilerge túzetýler engizý baǵytyndaǵy jumystar júrgizilýde.
О́z kezeginde mınıstr kóptegen AEA men IA boıynsha olardyń damýyna baılanysty túıtkildi máseleler bar ekenin atap ótti. Mysaly, ınjenerlik ınfraqurylymdy aıaqtaý jónindegi jumystyń baıaýlyǵy, sapaly jobalarmen tolyqtyrý jáne tıimsiz basqarýdy aıtýǵa bolady. Osy rette Beıbit Atamqulov bul baǵytta jumysty kúsheıtip, ınvestorlar úshin qolaıly jaǵdaı jasaýdy tapsyrdy.
Sonymen qatar, AEA odan ári damytý jáne olardy joǵary sapaly deńgeıge shyǵarý maqsatynda AHQO rejımin AEA-nyń barlyq qatysýshylaryna taratý máselesin pysyqtaý qajet. Budan bólek, ındýstrııalandyrý baǵdarlamasy aıasynda eksportqa baǵyttalǵan óndiris jobalaryna erekshe nazar aýdarý qajet.
Anyqtama: Qazaqstanda qazirgi ýaqytta 13 AEA jumys isteıdi. AEA aýmaǵynda barlyǵy (2002 jyldan 2019 jylǵa deıin) 185 joba iske qosyldy.
О́nim óndirisiniń kólemi 2,6 trln. teńgeni, ónim eksportynyń kólemi-214,5 mlrd. teńgeni qurady.
21 myńnan astam jumys orny ashyldy. Bıýdjetke salyq túrinde 175,8 mlrd. teńge (JTS, áleýmettik salyq, aınalymdyq QQS) qaıtaryldy.
Barlyq AEA ınfraqurylymyn salýǵa arnalǵan bıýdjettik shyǵyndar 344,3 mlrd.teńgeni qurady, bul rette tartylǵan ınvestısııalardyń jalpy kólemi 3,1 trln. teńgeden asty. Onyń ishinde óńdeý ónerkásibine - 1,1 trln.teńge, al elordanyń ákimshilik-iskerlik ortalyǵynyń qurylysyna 2 trln. teńgeden astam ınvestısııa salyndy.
Iаǵnı, AEA ınfraqurylymyna salynǵan 1 bıýdjettik teńge óńdeýshi ónerkásipke 3,3 teńge jeke ınvestısııalardy tartýǵa múmkindik berdi(sheteldik qatysý úlesi 45% qurady).
Sondaı-aq, Qazaqstanda 22 ındýstrııalyq aımaq quryldy jáne jumys isteıdi. Indýstrııalyq aımaqtarda jalpy ınvestısııa kólemi 233 mlrd.teńgege jýyq 149 óndiris iske qosyldy.
7,5 myńnan astam jumys orny ashyldy. Infraqurylymǵa memleket tarapynan 45,8 mlrd. teńge salyndy. Osylaısha, salynǵan 1 bıýdjettik teńgege 5 teńge ınvestısııa tartyldy.
Indýstrııalyq aımaqtar aýmaǵynda qazirdiń ózinde tólengen salyq aýdarymdary 22,6 mlrd teńgeni quraıdy.