О́ńir turǵyndaryna keshki saǵat 23:00-den keıin úıden shyǵýǵa ýaqytsha tyıym salyndy. Bul týraly oblystyń bas memlekettik sanıtarlyq dárigeriniń 5 shilde saǵat 00:00-den 19 shilde saǵat 00:00-ge deıin qatań shekteý sharalaryn engizý jónindegi qaýlysynda aıtyldy, - dep jazady Egemen.kz
"Oblystyń bas memlekettik sanıtarlyq dárigeriniń qaýlysyna sáıkes, turǵyndardyń qozǵalysy shekteldi. Alaıda, azamattardyń turǵylyqty jerinen jumys ornyna barýyna jáne keri qaıtýyna tyıym salynbaıdy. Tek bul jaǵdaıda olardyń jumys ornynan berilgen anyqtama nemese qyzmettik kýáligi birge bolýy kerek. Sondaı-aq, azyq-túlik ónimderin, qajetti taýarlardy, dári-dármekterdi turǵylyqty jerine jaqyn ornalasqan dúkender men dárihanalardan satyp alýǵa, tótenshe jaǵdaılar týyndaǵan kezde medısınalyq mekemelerge barýǵa ruqsat etiledi", - dep túsindirdi Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Súleımen Áýbákirov.