11-17 shilde aralyǵynda jaıaý júrginshilerdiń qatysýymen bolǵan jol-kólik oqıǵalarynyń jıileýine baılanysty Aqtóbe oblysy aýmaǵynda “Nazar aýdaryńyz, jaıaý júrginshi!” jedel-aldyn alý is-sharasy ótkiziledi. Bul týraly Polisia.kz-ke silteme jasaı otyryp Egemen.kz habarlaıdy.
Eki kún ishinde polısııa qyzmetkerleri 844 quqyq buzýshylyqtyń jolyn kesti, onyń ishinde belgilengen qozǵalys jyldamdyǵyn buzǵany úshin 117 júrgizýshi ákimshilik jaýapkershilikke tartyldy, mas kúıinde kólik quraldaryn basqarýdyń 15 faktisiniń jolyn kesti.
Budan bólek, qarsy júrýge arnalǵan jolaqqa shyǵýdyń jeti faktisi, 65-ten astam júrgizýshi jaıaý júrginshilerge artyqshylyq bermegeni úshin ákimshilik tártipte jazalandy, 291 jaıaý júrginshi jol qozǵalysy erejelerin buzǵany úshin ákimshilik jaýapkershilikke tartyldy.
Sondaı-aq, polısııa qyzmetkerlerimen júrgizilgen jedel-profılaktıkalyq is-sharalar aıasynda jol-kólik oqıǵalarynyń aldyn alý boıynsha 1000 býklet berildi.