Kóktemgi sý tasqyny kezeńine daıyndyq aıasynda Qostanaı oblysyndaǵy «Qazsýshar» fılıaly Joǵarǵy Tobyl jáne Qaratomar sý qoımalarynda bos syıymdylyq daıyndaý jumystaryn júrgizdi, dep jazady Egemen.kz.
Sý resýrstary jáne ırrıgasııa mınıstrliginiń málimetinshe, qazir Joǵarǵy Tobyl sý qoımasy – 70%-ǵa, al Qaratomar sý qoımasy – 63%-ǵa tolǵan.
Sý qoımalarynda 461 mln tekshe metr bos syıymdylyq bar. Bul jobalyq kólemniń 33 paıyzyna teń. Al boljanyp otyrǵan sý kólemi 459 mln tekshe metrge deıin jetýi múmkin.
Sý tasqyny qaýpi – basty nazarda
Aımaqta kóktemgi sý tasqyny kezeńin qaýipsiz ótkizý jáne gıdrotehnıkalyq nysandardyń turaqty jumysyn qamtamasyz etý maqsatynda arnaıy komıssııa qurylyp, is-qımyl jospary bekitilgen. Qostanaı fılıaly nysandarynda kireberis joldar men aýmaqtardy qardan tazartý jumystary turaqty túrde júrgizilip jatyr.
Prezıdent sý tasqyny men qurǵaqshylyq qaýpine aldyn ala daıyndalýdy tapsyrdy
«Qajetti ınertti materıaldar men janar-jaǵarmaı qory daıyndalyp, sý tasqyny kezeńine 36 tehnıka ázirlendi. Olardyń qatarynda ekskavatorlar, býldozerler, tıegishter, traktorlar, avtokólikter, motorly qaıyqtar, katerler jáne basqa da tehnıka bar. Sonymen qatar Reseı Federasııasynyń Chelıabi jáne Qorǵan oblystarynyń sý qyzmetteri, «Qazgıdromet», Qostanaı oblysynyń Tótenshe jaǵdaılar departamenti jáne jergilikti atqarýshy organdarmen turaqty túrde aqparat almasý júrgizilip otyr. 2026 jylǵy sý tasqyny kezeńine daıyndyqty úılestirý boıynsha oblystyq jedel shtabpen keńester ótkizilip jatyr», dedi «Qazsýshardyń» Qostanaı fılıalynyń dırektory Muhtar Jumanov.
Sý tasqyny: Qaı óńirlerde qaýip bar?