Búgin túnde La Lıganyń 35-shi týry aıasynda ótetin «Barselona» men «Real Madrıd» arasyndaǵy sheshýshi kezdesý qarsańynda madrıdtik klýbtyń málimdemesi jankúıerlerdi eseńgiretip tastady. Komandanyń basty juldyzy Kılıan Mbappe men taǵy 7 oıynshy bul matchqa qatyspaıdy, dep habarlaıdy Egemen.kz.
Fransııa quramasynyń kapıtany Kılıan Mbappe sońǵy jattyǵýlarǵa qatysqanyna qaramastan tizimge enbeı qaldy. Buǵan sáýir aıynyń sońynda alǵan sol aıaǵynyń sińir jaraqaty sebep bolǵan. Dárigerler juldyzdy shabýylshynyń densaýlyǵyna qatysty táýekelge barmaýdy jón kórgen.
Mbappeden bólek, «koroldik klýbtyń» taǵy 7 mańyzdy oıynshysy medısınalyq sebeptermen saptan shyqty: Eder Mılıtao, Ferlan Mendı, Danı Karvahal, Danı Sebalos, Arda Gıýler, Federıko Valverde jáne Rodrıgo Goes.
El-Klasıkoda «Realdy» Vınısıýs Jýnıor bastap shyǵady
Bir qyzyǵy, vıse-kapıtan Valverdemen janjaldasyp, 500 myń eýro aıyppul arqalaǵan Orelen Tchýamenı quramǵa endi.
Match 10 mamyrdan 11 mamyrǵa qaraǵan túni saǵat 00:00-de (Astana ýaqytymen) «Kamp Noý» stadıonynda ótedi.