Sony Group Corp. kompanııasynyń jasandy ıntellekt bólimshesi men zertteý toby ústel tennısinen kásibı oıynshylarmen básekelesip, olardy jeńe alatyn Ace atty jańa AI-robotty tanystyrdy, dep habarlaıdy Egemen.kz.
Bul robottyń basty ereksheligi – ol tek dopty qaıtaryp qana qoımaı, doptyń aınalýy men ushý traektorııasyn aldyn ala boljap, sheberlik tanyta alady.
Robottyń manıpýlıatory adam qolynan kem túspeıtin ıkemdilikke ıe. Tennıs ústeliniń aınalasynda ornalasqan kameralar doptyń joǵary jyldamdyqtaǵy qozǵalysyn qas qaǵym sátte qadaǵalaıdy. Robottyń árbir soqqysy AI arqyly naqty ýaqyt rejıminde basqarylady.
Polıseılerdi robottar almastyra ma? Qytaı kóshelerine «temir saqshylar» shyqty
Synaq Halyqaralyq ústel tennısi federasııasynyń (ITTF) qatań erejeleri boıynsha ótkizilgen. Ace 10 jyldan astam tájirıbesi bar 5 elıtalyq oıynshymen kezdesip, onyń úsheýin jeńip ketti.
Degenmen, robot áli de kásibı kásibı atletterge tótep bere almaıdy. Ol eki kásibı oıynshydan jeńilis tapqanymen, jeti oıynnyń bireýinde basym túsip, mamandardy tańǵaldyrdy. Robot tipti torǵa tıip, baǵyty ózgergen kúrdeli doptardy da qaıtara bilgen.
Qytaıda bala baǵyp, úı jınaıtyn ámbebap robot paıda boldy
Ǵalymdardyń aıtýynsha, Ace – AI júıeleriniń fızıkalyq sheberlikke negizdelgen ınteraktıvti oıyndarda adamnan oza alatynyn alǵash ret dáleldep otyr.