Sońǵy ýaqytta áleýmettik jelilerde tanymal bolý maqsatynda tabıǵat pen tarıhı nysandardy búldirý jaǵdaılary jıilep ketti. Ishki ister mınıstrligi mundaı áreketter úshin qylmystyq jaýapkershilik qarastyrylǵanyn taǵy da eske salady, dep habarlaıdy Egemen.kz.
Memleket qorǵaýyndaǵy jartastarǵa, eskertkishterge nemese ulttyq park nysandaryna jazý jazý, olardy zaqymdaý – jaı ǵana ádepsizdik emes, bul – qylmys.
Vandalızm úshin qandaı jaza kútip tur?Qazaqstan Respýblıkasy Qylmystyq kodeksiniń 294-babyna (Vandalızm) sáıkes, memleket qorǵaýyndaǵy nysandardy búldirgender úshin kelesideı sanksııalar qoldanylady:
100-den 2000 AEK-ke deıin aıyppul salý (369 myńnan 7,3 mln teńgege deıin); Qoǵamdyq jumystarǵa tartý; 50 táýlikke deıin qamaý; Bas bostandyǵyn shekteý nemese úsh jylǵa deıin bas bostandyǵynan aıyrý.IIM málimdeýinshe, vandalızmniń kez kelgen kórinisine qatań quqyqtyq baǵa beriledi. Tarıhı murany saqtaý – ár azamattyń mindeti.
«Zań men tártip ár azamattyń jaýapkershiligine negizdelgen, al mundaı quqyq buzýshylyqtar úshin qatań jaza bar», delingen resmı habarlamada.