Atyraýdy dúr silkindirgen Jangeldın aýylyndaǵy otbasynyń ólimine qatysty tergeý aıaqtaldy. Kúdikti tek adam óltirip qana qoımaı, marqumdardyń malyn satyp, aqshasyn urlaǵan bolyp shyqty, dep habarlaıdy Egemen.kz.
Aqjaıyq basylymynyń málimetinshe, aıyptalýshy qylmystyq is materıaldarymen tanysyp shyqqan. Ol tórt adamdy óltirý faktisi boıynsha bergen jaýaptarynda bul áreketin rastaǵan.
Sultan Sársemalıevke QR Qylmystyq kodeksiniń birneshe baby boıynsha aıyp taǵylyp otyr.
Jazadan qutyla almaıdy: Nuraı Serikbaıdy óltirgen kúdiktiniń aqyl-esi durys dep tanyldy
Tergeý barysynda anyqtalǵandaı, kúdikti tek adam óltirip qana qoımaı, qaza tapqan otbasynyń malyn satyp jibergen jáne olardyń bank kartalaryndaǵy aqshalaı qarajatyn jymqyrǵan.
Jibek jolyndaǵy qandy oqıǵa: Úsh adamdy óltirgen kúdiktiniń jaǵdaıy belgili boldy
Buǵan deıin Atyraý oblystyq prokýratýrasy habarlaǵandaı, psıhologııalyq-psıhıatrııalyq saraptamanyń qorytyndysy boıynsha Sultan Sársemalıev tolyqtaı esi durys dep tanylǵan. Demek, ol jasaǵan qylmysy úshin zań aldynda tolyq kólemde jaýap beredi.
Taǵylǵan aıyptardyń aýyrlyǵyn eskersek, kúdiktige ómir boıyna bas bostandyǵynan aıyrý jazasy berilýi múmkin.
Buǵan deıin kúdikti Sultan Sarsemalıevtyń qylmysty bir ýaqytta emes, kezeń-kezeńimen jasaǵanyn jazǵan edik. Birinshi oqıǵa mamyr aıynda tirkelse, qalǵan úsh adam qarasha aıynda qaza tapqan.