Aqtaý qalasynyń mamandandyrylǵan tergeý sotynyń tóraǵasy Berik О́teevke qatysty qylmystyq is qozǵaldy, dep habarlaıdy Egemen.kz.
Bul aqparatty Ulttyq qaýipsizdik komıteti Nur.kz portalyna bergen resmı jaýabynda rastady.
Buǵan deıin Buqaralyq aqparat quraldarynda sýdıaǵa qatysty tekseris júrip jatqany týraly beıresmı derekter taraǵan bolatyn.
UQK ókilderiniń málimdeýinshe, qazirgi ýaqytta tergeý múddesine baılanysty ózge aqparat jarııa etýge jatpaıdy.
Berik О́teev Mańǵystaý energetıkalyq kolledjin jáne QR Prezıdenti janyndaǵy Memlekettik basqarý akademııasyn támamdaǵan. Qyzmetin Atyraý oblysyndaǵy sybaılas jemqorlyqqa qarsy is-qımyl organdarynda bastaǵan. Keıin Munaıly aýdandyq sotynyń sýdıasy bolǵan.
2023 jyldyń maýsym aıynda Prezıdent Jarlyǵymen Aqtaý qalasynyń mamandandyrylǵan tergeý sotynyń tóraǵasy bolyp taǵaıyndalǵan edi.