Tanymal ázilkesh Nurlan Sabýrov Reseıge 50 jylǵa kirýge tyıym salynǵannan keıin alǵash ret Dýbaıdaǵy konsertinde málimdeme jasady. О́ner ıesi Reseıde resmı qujattar rásimdemek bolǵanyn, biraq orys tilinen emtıhannan óte almaǵanyn aıtyp ázildedi, dep habarlaıdy Egemen.kz.
Dýbaıdaǵy opera teatrynda ótken keshte Sabýrov qujat máselesin negizinen salyqtyq jeńildikter úshin sheshpek bolǵanyn túsindirdi.
«Reseıdiń kóshi-qon saıasatyn qoldaımyn. Qujattar alý úshin orys tilinen test tapsyrý kerek boldy. Áıelim ekeýmiz bir partada otyrdyq. Suraqtar qıyn eken, máselen, «Rýstiń shoqynýy qashan boldy?» degen sııaqty. Qorytyndysynda áıelim ótti, men ótpedim», dep ázildedi ol.
Sabýrovtyń Reseıge kirýine tyıym salynýyna onyń áskerı is-qımyldarǵa qatysty ustanymy men kóshi-qon zańnamasyn buzýy sebep bolýy múmkin degen boljamdar bar.
Ázilkesh Nurlan Sabýrovqa Reseıge 50 jylǵa kirýge tyıym salyndy
Sáýir aıynda komıktiń Qytaıdaǵy konsertteri ótpeı qalsa, Moldova bıligi Sabýrovtyń el aýmaǵynda óner kórsetýin «orynsyz» dep tapty.
Buǵan deıin tanymal ázilkeshke Stepnogorsk ákimi bolý týraly usynys túskenin jazǵan edik.
Eske sala keteıik, Ishki ister organdary Sabýrovqa qatysty qylmystyq is qozǵalmaǵanyn, biraq Ulttyq qaýipsizdik komıteti tekserý júrgizip jatqanyn habarlady.