Aldaǵy apta Qazaqstannyń syrtqy saıasaty úshin mańyzdy oqıǵalarǵa toly bolmaq. Astanaǵa Túrkııa Prezıdenti Rejep Taııp Erdoǵan memlekettik saparmen kelse, Túrkistanda Túrki memleketteri uıymyna múshe elder basshylarynyń beıresmı sammıti ótedi, dep habarlaıdy Egemen.kz Aqordanyń baspasóz qyzmetine silteme jasap.
13-14 mamyr kúnderi Qasym-Jomart Toqaevtyń shaqyrýymen Astanaǵa Túrkııa Prezıdenti Rejep Taııp Erdoǵan memlekettik saparmen keledi.
Memleketter basshylary ekijaqty baılanystardyń qazirgi jaı-kúıi men perspektıvasyn talqylaıdy.
Sondaı-aq prezıdentter Qazaqstan men Túrkııa arasyndaǵy Joǵary deńgeıdegi strategııalyq yntymaqtastyq keńesiniń altynshy otyrysyn ótkizedi.
15 mamyr kúni Túrkistan qalasynda Túrki memleketteri uıymyna múshe elder basshylarynyń beıresmı sammıti uıymdastyrylady.
Jıynda «Jasandy ıntellekt jáne sıfrlyq damý» taqyryby talqylanady.