Qazaqstan ulttyq quramasy FIFA-nyń fýtzaldan jańartylǵan álemdik reıtınginde óz pozısııasyn nyǵaıtty. Endi bizdiń komanda álemdegi eń myqty ondyqtyń 8-satysyna jaıǵasty, dep habarlaıdy Egemen.kz.
Sońǵy derekterge súıensek, Qazaqstan qorjynyna 3,2 upaı qosyp, jalpy 1403,8 ballmen bir saty joǵary kóterildi. Al kerisinshe, Ýkraına quramasy 14,92 upaıyn joǵaltyp, 9-orynǵa syrǵydy.
Fýtzaldan álemdik kóshbasshylar tiziminde Brazılııa (1684,97 upaı) jeke-dara 1-orynda tur. Úzdik ondyq kelesideı:
1. Brazılııa – 1684,97;
2. Portýgalııa – 1575,32;
3. Ispanııa – 1574,39;
4. Argentına – 1513,38;
5. Iran – 1507,71;
6. Marokko – 1486,53;
7. Reseı – 1430,32;
8. Qazaqstan (+1) – 1403,8;
8. Ýkraına (-1) – 1400,89;
9. Fransııa – 1397,25.
Eske sala keteıik, bıylǵy jyldyń 16 qańtarynda ulttyq quramanyń bas bapkeri bolyp tanymal brazılııalyq maman Rıkardo Kamara Sobral (Kakaý) qaıta taǵaıyndalǵan bolatyn.
Kakaý buǵan deıin 2013-2018 jyldar aralyǵynda Qazaqstan quramasyn jattyqtyryp, elimizdi Eýro-2016 dodasynyń qola júldesine ıe etken edi.