Almaty oblysy boıynsha Qarjylyq monıtorıng agenttigi departamenti tegin medısınalyq kómektiń kepildik berilgen kólemi aıasynda kórsetilgen stomatologııalyq qyzmetterge qatysty alaıaqtyq faktisi boıynsha tergeýdi aıaqtady, dep habarlaıdy Egemen.kz.
Tergeý barysynda stomatologııalyq klınıkalardyń dırektory Áleýmettik medısınalyq saqtandyrý qory KEAQ-pen jalpy quny 450 mln teńgeden asatyn medısınalyq qyzmetterdi satyp alý týraly kelisimsharttar jasaǵany anyqtalǵan. Kelisimge sáıkes klınıkalar mindetti áleýmettik medısınalyq saqtandyrý júıesi aıasynda azamattarǵa shuǵyl jáne josparly stomatologııalyq kómek kórsetýi tıis bolǵan.
Shyǵys Qazaqstanda eki vedomstvonyń laýazymdy tulǵalary jemqorlyqpen ustaldy
Alaıda kúdikti «Damumed» medısınalyq aqparattyq júıesine ortodontııalyq qyzmetter kórsetilgeni týraly jalǵan derekter engizýdi uıymdastyrǵan. Naqtysynda bul qyzmetter pasıentterge kórsetilmegen.
Zańsyz áreketterin jasyrý maqsatynda ol dárigerlerdiń eseptik jazbalaryn jáne klınıkaǵa buryn júgingen kámeletke tolmaǵan pasıentterdiń jeke derekterin ruqsatsyz paıdalanǵan.
Tergeý nátıjesinde ortodontııalyq kómek kórsetilgeni týraly rastalmaǵan 4 597 jaǵdaı anyqtaldy. Memleketke keltirilgen shyǵyn kólemi 66 mln teńgeni qurady.
Jemqorlyqpen kúres: Bıýdjetke 100 mln teńgeden astam qarjy qaıtaryldy
Sot sanksııasymen kúdiktiniń banktik shottaryndaǵy 23 mln teńge qarajatqa jáne quny 29 mln teńge bolatyn stomatologııalyq jabdyqtarǵa tyıym salyndy.
Tergeý barysynda kúdikti keltirilgen zalaldyń 11 mln teńgesin ótegen. Oǵan qatysty úıqamaq túrindegi bultartpaý sharasy qoldanyldy.
Qylmystyq-prosestik kodekstiń 201-babyna sáıkes tergeýge qatysty ózge málimetter jarııa etilmeıdi.
Shymkentte alaıaqtar stýdentterdi TikTok arqyly tuzaqqa túsirgen