Sınoptıkter 5 naýryz kúni Qazaqstannyń kóptegen óńirinde aýa raıynyń qolaısyz bolatynyn eskertti, dep habarlaıdy Egemen.kz.
Abaı oblysynda túnde ońtústik, shyǵys jáne ortalyq bólikterinde qar jaýyp, jaıaý burqasyn kútiledi. Kúndiz soltústik, shyǵys jáne ońtústiginde jańbyr men qar aralas jaýyn-shashyn túsip, kóktaıǵaq bolady. Keı jerlerde tuman túsedi. Jeldiń jyldamdyǵy 15-20 m/s-qa deıin jetedi.
Aqmola oblysynda jańbyr men qar aralas jaýyn-shashyn, boran jáne kóktaıǵaq kútiledi. Jeldiń ekpini 15-20 m/s, keı jerlerde 23-28 m/s-qa deıin kúsheıedi.
Aqtóbe oblysynda túnde jańbyr men qar jaýyp, kóktaıǵaq bolady, keı óńirlerde jaıaý burqasyn soǵady. Batysy men ońtústiginde tuman túsedi.
Almaty oblysynyń ońtústigi men taý bókterinde keı ýaqytta qatty jaýyn-shashyn, taýly aımaqtarda qalyń qar jaýýy múmkin. Jeldiń ekpini 18-23 m/s, keıde 28 m/s-qa deıin jetedi.
Elimizdiń úsh óńirinde aýa raıyna baılanysty joldar jabyldy
Atyraý oblysynda tuman men kóktaıǵaq kútiledi. Keı jerlerde shańdy daýyl soǵýy múmkin.
Shyǵys Qazaqstan oblysynda qar jaýyp, jaıaý burqasyn bolady. Keı jerlerde tuman túsedi, jel 15-20 m/s-qa deıin kúsheıedi.
Jambyl oblysynda tuman men kóktaıǵaq kútiledi, taýly óńirlerde jeldiń ekpini 15-20 m/s bolady.
Jetisý oblysynda túnde joldarda kóktaıǵaq bolady, keı jerlerde tuman túsedi.
Batys Qazaqstan oblysynda qar, jańbyr jáne jaıaý burqasyn kútiledi. Keı jerlerde tuman bolady.
Qaraǵandy oblysynda qar jaýyp, jaıaý burqasyn bolady, kúndiz kóktaıǵaq kútiledi.
Qostanaı oblysynda jańbyr men qar, boran jáne kóktaıǵaq boljanyp otyr.
Qyzylorda oblysynda soltústik pen ortalyqta tuman men kóktaıǵaq bolýy múmkin.
Mańǵystaý oblysynda tuman túsip, túnde kóktaıǵaq bolady.
Naýryz aıynda aýa raıy qandaı bolady?
Pavlodar oblysynda qar jaýyp, jaıaý burqasyn, jańbyr men qar aralas jaýyn-shashyn kútiledi.
Soltústik Qazaqstan oblysynda qar, boran jáne kóktaıǵaq bolady. Jeldiń ekpini keı jerlerde 23-28 m/s-qa deıin jetedi.
Túrkistan oblysynda jańbyr men qar aralas jaýyn-shashyn túsip, keı jerde qatty jańbyr jaýýy múmkin. Tuman men kóktaıǵaq ta kútiledi.
Ulytaý oblysynda túnde qar men jaıaý burqasyn, kúndiz kóktaıǵaq bolýy múmkin.
Sınoptıkterdiń málimetinshe, aldaǵy úsh kúnde Qazaqstannyń iri qalalarynda da qar, jańbyr jáne kóktaıǵaq bolady.