Qurlyqtyq hokkeı lıgasynda óner kórsetetin elordanyń «Barys» komandasynyń eldegi epıdemııalyq ahýalǵa baılanysty turaqty birinshiliktiń bıylǵy maýsymyna qatysa almaı qalýy múmkin ekendigi aıtylyp jatyr.
Jýyrda osy máselege baılanysty QHL prezıdenti Alekseı Morozov arnaıy málimdeme jasady. Onyń aıtýynsha, «Barys» týrnırge qatysýǵa nıetti. «Biz árdaıym birinshilikke qatysatyn elderdiń jaǵdaıyn baqylap otyramyz. О́kinishke qaraı, qazir Qazaqstandaǵy jaǵdaı qıyn ekenin bilemiz. «Barystyń» maýsymnan bas tartatyny týraly málimet jalǵan. Qazaqstan komandasy bıyl da bas júlde úshin talasýǵa nıetti. QHL-diń bastalýyna áli bir jarym aı bar. Osy ýaqyt aralyǵynda jaǵdaı turaqtalady dep senemiz», deıdi Morozov.
Aıta keteıik, «Barys» byltyrǵy maýsymda «Shyǵys» konferensııasynda ekinshi, Chernyshev dıvızıonynda birinshi oryn ıelendi. Jalpy lıgada tórtinshi orynǵa turaqtady.