Oblystyq Tótenshe jaǵdaılar departamentiniń málimetine súıensek, Qyzylqoǵa aýdanynyń aýmaǵynda taǵy da dala órti tirkelip otyr.
"Bul – atalǵan aýdanda tirkelgen dala órtiniń tórtinshi oqıǵasy. Departamenttiń dıspetcherlik pýltine 14 shildede saǵat 13:50-de Mııaly aýylynan 60 shaqyrym qashyqta qurǵaq shóptiń órtenip jatqany týraly habar tústi. Osyǵan oraı órt sóndirý jáne avarııalyq-qutqarý jumystary qyzmetiniń quramynan 7 qyzmetker 1 tehnıkamen oqıǵa ornyna shuǵyl jetti. Olar Oıtan, Luqpan, Qazanqap, Temirshaǵyl, Aıyrtaý ýchaskelerinde 5 myń gektar aýmaqtyń shóbi janǵanyn anyqtady", - dep habarlady departamenttiń baspasóz qyzmetinen.
Jaıylymdyq shópti sharpyǵan jalyndy aýyzdyqtaýǵa órt sóndirýshilermen birge, erikti órt sóndirý jasaǵynan 29 adam men 11 tehnıka tartyldy. О́rt keshe 15 shildede saǵat 01:55-te sóndirilgen.