Bul kúnderi shahmattan ótip jatqan álemdik Gran-prı onlaın-týrnıriniń shırek fınalyna shyqqan oıynshylar anyqtalýda.
Jahandyq básekede baq synap jatqan Qazaqstan ulttyq quramasynyń úzdikteriniń biri Jansaıa Ábdimálik Gran-prı jarysynyń tórtinshi kezeńin sátti bastap, shırek fınalǵa joldama aldy. Birinshi matchta Perý ókili Deızı Korımen kezdesip, esh qıyndyqsyz jeńiske jetti. Esep – 8:4. Alǵashqy oıyn qandasymyzǵa ońaı soqqanymen kelesi kezeńde qarymdy qarsylasqa tap boldy. Endi onlaın dodanyń ¼ fınalynda J.Ábdimálik álemniń tórt dúrkin chempıony qytaılyq Hoý Ifanmen jartylaı fınaldyń joldamasyn sarapqa salady.
О́kinishke qaraı, osy jarysqa qatysqan taǵy bir otandasymyz Bıbisara Asaýbaeva kelesi kezeńge shyǵa almady. Birinshi kezdesýinde reseılik shahmatshy Aleksandra Kostenıýkpen baq synady. Tartysty ótken oıynda Asaýbaeva 7:5 esebimen qarsylasyna jol berdi.
Úsh kezeńniń qorytyndysy boıynsha týrnır kestesinde Ýkraına sportshysy Anna Ýshenına 22 upaımen kósh bastap tur.