Tártip saqshylary, epıdemıologtar, eriktiler, jergilikti atqarýshy organdardyń ókilderi karantın rejımin buzýshylyqtardy anyqtaý boıynsha reıdtik sharalardy jalǵastyrýda, dep habarlaıdy elorda ákimdiginiń baspasóz qyzmeti.
"Nur-Sultan qalasynda 5 shildeden bastap karantın tártibin buzýdyń mobıldi toptarmen – 76 jaǵdaıy, polısııanyń birikken kúshterimen – 68 jaǵdaıy anyqtaldy. Buzýshylyqtar týraly materıaldar densaýlyq saqtaý salasynyń jergilikti atqarýshy organy – taýarlar sapasy men qaýipsizdigin baqylaý departamentine berildi", – dep habarlady qalalyq polısııa departamenti.
Qazirgi ýaqytta monıtorıngtik mobıldi toptardyń sany 8 birlikti quraıdy. Olarda 49 adam, onyń ishinde polısııa, taýarlar sapasy men qaýipsizdigin baqylaý departamenti, jergilikti atqarýshy organdardyń qyzmetkerleri men eriktiler bar.
Nur-Sultan qalalyq polısııa departamenti azamattardy qoǵamdyq oryndarda jaýapkershilik tanytyp, sanıtarlyq normalardy saqtaýǵa, sondaı-aq karantın sharalary kezinde polısııa qyzmetkerleriniń talaptaryna túsinistik tanytýǵa shaqyrady. Indettiń taralýynyń aldyn alý maqsatynda polısııa men volonterler karantın rejımin saqtaý jáne jeke qorǵanys quraldaryn paıdalaný qajeti týraly turǵyndarmen profılaktıkalyq túsindirý jumystaryn júrgizedi. Sonymen qatar polısııa oıyn-saýyq, qoǵamdyq tamaqtaný oryndary, monshalar, saýnalar, attraksıondarǵa baryp, olardyń ıelerine qoldanystaǵy karantın sharalary týraly eskertedi.
Quqyq buzýshylar qoldanystaǵy zańnamaǵa sáıkes jaýapqa tartylady.