Qyzylorda oblysyna 9 dana ottegi konsentratory jetkizildi. Bul apparattardyń qarjysy belgili bloger Dáýlet Muqaev, aıtysker aqyn Aınur Tursynbaeva, sondaı-aq Qazaly aýdanynyń týmasy, qoǵam belsendisi Elmıra Eshnııazovanyń áleýmettik jelidegi oqyrmandary tarapynan jınalǵan, dep habarlaıdy Egemen.kz
Jalpy búgingi kúnge deıin Túrkııa elinen Qazaqstanǵa osy azamattardyń uıymdastyrýymen 125 ottegi konsentratory jetkizilgen.
Osy qurylǵylardyń barlyǵy "Atameken" UKP qoldaýymen PONY_EXPRESS_KZ logıstıkalyq kompanııasy jáne SCAT áýekompanııasy arqyly elimizdiń barlyq óńirlerine joldandy, sonyń ishinde Qyzylorda oblysyna 9 danasy ákelinip otyr.
Ottegi apparattaryn Qyzylorda oblysy kásipkerler palatasy dırektorynyń orynbasary Pirmuhammed Syzdyqov qoǵamdyq baqylaý músheleri men joǵaryda atalǵan azamattardyń ókilderine tabystady. Oǵan qatysqan Elmıra Eshnııazova qaıyrymdylyq sharasyna úles qosqan ár azamatqa alǵysyn bildirdi.