Búgingi tańda Jambyl oblysynyń medısınalyq uıymdarynda koronavırýs ınfeksııasymen jáne pnevmonııa indetimen aýyrǵan naýqastardy emdeýge arnalǵan dári-dármekterdiń úsh aptalyq qory qalyptasty, - dep jazady Egemen.kz
Oblystyq densaýlyq saqtaý basqarmasynyń basshysy Marat Jumanqulov juqpaly jáne provızorlyq aýrýhanalarda dári-dármekter men medısınalyq quraldardyń jetkilikti ekenin aıtyp otyr. Onyń ishinde 50,2 myń tabletka jáne 67,8 myń flakon antıbıotıkter, 9,8 myń dana shprıs, dene qyzýyn túsiretin 2 myń shısha, vırýsqa qarsy 15 myń tabletka bar. «SK-Farmasııa» mekemesi arqyly jalpy quny 1,2 mıllıard teńgege dári-dármek satyp alýǵa qosymsha ótinimder berilgen. Búginde sol qarajattyń esebinen 471 mıllıon teńgege dáriler satyp alynyp, oblysqa jetkizildi.
Sonymen qatar, О́zbekstan memleketinen dári-dármek satyp alýǵa jergilikti bıýdjetten 544 mıllıon teńge bólingen. Búgingi tańda О́zbekstannan 24 mıllıon teńge kólemindegi dári-dármekterdiń alǵashqy partııasy kelip, aýrýhanalarǵa taratyldy. Bul rette Marat Jumanqulov dári-dármekterge degen suranys áli azaımaı otyrǵanyn, sondyqtan da ótinimderdi tirkeý jáne jańa zattardy túsirý, jetkizý jumystary shapshańdyqty talap etýde ekenin jetkizdi. Sondaı-aq, óńirdiń bas dárigeri medısınalyq mekemelerdiń qajettilikterine sáıkes dári-dármekterdiń ýaqytyly kelýi men durys taratylýyna qatań baqylaý jasalatynyn aıtty.
Taǵy bir aıta keterligi, jergilikti kásipkerler de koronavırýspen kúreste shet qalmaı, óz úlesterin qosýda. Atap aıtsaq, kásipkerler az qamtamasyz etilgen otbasylarǵa dári-dármek alýǵa 48 mıllıon teńge bólipti. Jalpy, oblys kásipkerleri 338 mıllıon teńge jınaǵan. Sonymen qatar, búginde Jambyl oblysyna Katar, Qytaı, О́zbekstan, Túrkııa, Birikken Arab Ámirlikteri syndy birqatar memleketterden 45 myń jeke qorǵanys quraldar jıyntyǵy, 1 myń ekspress-test, 220 lıtr antıseptık, 11,2 myń paket, vırýsqa qarsy preparattar, 235 paket antıbıotıkter, 8 myń paket jáne basqa da qajetti dáriler kelip jetti.
Jambyl oblysy