Qazaqstandyq paralımpıada sportshysy Álııa Raeva qoǵamnyń damýyna qosqan úlesi jáne jetistikteri úshin beriletin German Gmaıner syılyǵynan úmitker.
Jetim balalarǵa arnalǵan otbasylyq úlgidegi SOS-balalar aýyly ulttyq keńsesinen málim etkendeı, jeńimpaz daýys sanyna qaraı anyqtalady. Álııa qazir ekinshi orynda keledi.
German Gmaıner syılyǵy SOS balalar aýylynda ósip, qandaı da bir salada: sport, shyǵarmashylyq, kásibı qyzmette jetistikke qol jetkizgen adamdarǵa beriledi. Syılyq eki jylda bir ret eki jeńimpazǵa – eń kóp daýys jınaǵan er adamǵa jáne áıelge tabystalady. Qazaqstanda SOS balalar aýyldary 1994 jyldan bastap Almaty, Nur-Sultan jáne Temirtaý qalalarynda jumys isteıdi.