Búgin atalǵan kompanııa óńirdiń densaýlyq mekemeleri úshin shetelden jetkizilgen dári-dármekter men qorǵanysh quraldaryn jetkizip berdi. Qazir bul júk Atyraý qalasyna taıaý oralasqan Geolog kentindegi emhananyń qoımasyna túsirildi, - dep habarlaıdy Egemen.kz.
"Qorǵanysh quraldarynyń barlyǵy Germanııadan shyqqan. Onyń arasynda "Tyvek"(Dupont) markili qorǵanysh kostıýminiń XL mólsherli 5000 danasy, S mólsherli qolǵaptyń 30 000 juby, shashty jınaqtaýǵa arnalǵan shilterli tordyń 1700 danasy, ókpeni jasandy jeldetý apparatyna arnalǵan (Lowenstein Medical Tehnology Gmbn+Co. KG) medısınalyq maskanyń M mólsherli 250 danasy jáne osyndaı maskanyń L mólsherli 250 danasy bar", - dep habarlady kompanııanyń baspasóz qyzmeti.