JAI-KÚIIŃ QALAI, UIYM TО́RAǴASY?

Oral qalasynda “Nur Otan” HDP BQO fılıaly bastaýysh partııa uıymdary tóraǵalarynyń forýmy bolyp ótti. “Nur Otan” HDP saılaýaldy tuǵyrnamasyn júzege asyrý, partııa qurylymynda “Nur Otan” HDP bastaýysh partııa uıymdarynyń rólin kúsheıtý, ishki partııa júıesi qarym-qatynasynyń tıimdiligin arttyrýǵa arnalǵan basqosýǵa oblys ákiminiń mindetin atqarýshy Nurlan Noǵaev, “Nur Otan” HDP Ortalyq apparaty bas­shy­synyń orynbasary, quqyqtyq basqarma bastyǵy Danııar Vagapov, oblystyq máslıhat hatshysy Má­lik Qulshar qatysty. Keńesti “Nur Otan” HDP BQO fılıaly tór­aǵasynyń birinshi orynbasary Kenjebaı Nyǵmet júrgizip otyrdy. Aldymen sóz alǵan Nurlan Noǵaev “Nur Otan” HDP-nyń eli­mizdiń qoǵamdyq-saıası ómirinde zor bedelge ıe ekenine toqtala kele, El­basy saıasatyn jergilikti jer­lerde júzege asyrýda bastaýysh par­tııa uıymdarynyń qosyp otyr­ǵan úlesi zor ekenin aıtyp ótti. Danııar Vagapov óz sózinde osyndaı jıyndardyń elimiz boıynsha ótip jatqanyn aıtyp, eń basty úsh máselege kóńil aýdardy. Olar: Elbasy saıasatyn keńinen taratý barysynda bılik pen halyq arasynda tyǵyz baılanys ornatý;  usynystyń bastaýysh partııa uıymy tarapynan túsýi, ony joǵaryǵa jetkizýde belsendilik tanytý; partııa jumysyn naqty isterge arnaý. Odan keıin jınalǵandar aldyn­da “Nur Otan” HDP oblystyq fılıaly tóraǵasynyń orynbasary Abat Shynybekov baıandama jasa­dy. Búgingi tańda 13 aımaqtyq fı­lıalda quramynda 28017 múshesi bar 323 bastaýysh partııa uıymy qurylǵan. Barlyq deńgeıdegi más­lı­hattaǵy 200 depýtattyń 193-i (96,5%) – “Nur Otan” partııasy­nyń múshesi. Barlyq máslıhat boı­ynsha partııanyń 14 depýtattyq frak­sııasy qurylyp, jumys jasaýda. Jaryssózge partııa uıymdary atynan Marat Toıasov (Qaztalov aýdany), Ánes Izteleýov (Oral), Temirjan Serikov (Jańaqala), Elena Kııanskaıa (Zelenov), Arys­tan­bek Tileýqabylov (Bórli), Jaq­sylyq Abdolov (Jánibek) qatysty. Forým sońynda tıisti usynym qabyldandy. Jıyn sońynda ótken jyly jemisti jumys istegen uıymdar úshin jarııalanǵan konkýrstyń qorytyndysy shyǵaryldy. “Eń úzdik bastaýysh partııa uıymy” atty konkýrs jeńimpazdary bolyp “Vasıles” JShS, “Aqsaıgazser­vıs” AQ, Jańaqala aýdany S.Meń­deshev partııa uıymy atalyp, dıp­lom jáne baǵaly syılyqpen mara­pattaldy. Jıyn sońynda Danııar Vagapov uzaq jyl Jańaqala aýdanynda ákim bolyp qyzmet atqarǵan Tólegen Merǵalıevke jemisti eńbegi úshin rahmet aıtyp, óńirine “Belsendi qyzmeti úshin” keýde belgisin taqty. Temir QUSAIYN. ORAL.