KELISIM-ShART BOIYNShA ÁSKERI QYZMET: SANNAN – SAPAǴA

Elimizdiń qorǵanys salasy jyldan-jylǵa kúsheıip, ásker qatarynyń sanyna emes, sapasyna asa mán berilip keledi. Qorǵanys qabiletin arttyrýǵa áskerı qurama­larǵa kelisim-shartpen qyzmet etetin azamattar men azamatshalardy tartý mańyzdy ekeni aıqyn. Úmitkerlerdi sapaly jınaqtaý úshin jaýapty laýazymdyq tulǵa­lar­dyń mindetin arttyrý 2009 jyldyń 22 maýsymyndaǵy №221 Qorǵanys mınıstriniń “Sarbazdar men ser­jant­tar quramy kelisim-shart boı­yn­sha áskerı qyzmetshileriniń áske­rı qyzmetke kirý jáne ótkerý bóli­ginde Qarýly Kúshterde, basqa da ásker tekteri men áskerı quralym­darynda áskerı qyzmet ótkerý ere­jelerin qoldaný týraly nusqaý­lyq­ty bekitý týraly” buıryǵynda kór­setilgen. Qorǵanys mınıstri óziniń buıryǵynda jergilikti áskerı uıym­dardyń jaýapty tulǵalaryna jáne áskerı bólim komandırlerine osy ju­mysty ótkizý erejelerin kór­setken. Qazirgi tańda Qarýly Kúshterde kásipqoı áskerlerdi qurý úshin úlken jumystar júrgizilýde. Kelisim-shart boıynsha Qarýly Kúshterdiń qata­ryna 19 jastan asqan jas azamattar qabyldanady. Atyraý oblysy qorǵa­nys isteri jónindegi departamenti kelisim-shart boıynsha áskerı qyz­met­ke áskerı qyzmetshilerdi jınaq­taýda. Kelisim-shart boıynsha áske­rı qyzmetke ótken jastarymyzǵa áskerı qyzmetshi atalǵan soń kóp jeńildikter bar: eńbekaqysynyń jylma-jyl ósýi, 45 táýlik kezekti eńbek demalysy, bilim deńgeıin kóteremin degenderge 50 paıyzdyq jeńildik jáne 45 jastan bastap zeınetkerlikke shyǵý múmkindigi. Áskerı qyzmetke azamattardy qabyldamas buryn jergilikti jáne oblystyq departamentten dárigerlik saraptamadan, psıholog mamannyń aldynan ótkiziledi. Sol mamandar­dyń synaǵynan súrinbeı ótse ǵana áskerı qyzmetke qabyldanady. Kelisim-shart boıynsha áskerı qyzmet óteýge nıet bildiretinder sany óte kóp. Qarýly Kúshterge óz isiniń maıtalmany bola alatyn, moraldyq, psıhologııalyq ustamdy jáne dene daıarlyǵy myqty, ári kásiptik deńgeıi joǵary azamattar konkýrstyq irikteýden keıin qabyldanady. 2009-2010 jyl aralyǵynda Qa­rýly Kúshterge 81 adam baǵyttaldy, onyń ishinen 72-si áskerı qyzmetin ótep jatyr.  Atyraý oblysynyń qorǵanys isteri jónindegi qalalyq basqarmasy men aýdandyq bólim­derin­de áskerı qyzmetke ornalasý ba­ǵyttary jónindegi aqparattar taq­tasy ornatylǵan. A.KÝKATOV, Atyraý oblysy qorǵanys isteri jónindegi departamentiniń bastyǵy, podpolkovnık.