Bul týraly Densaýlyq saqtaý vıse-mınıstri Lıýdmıla Bıýrabekova Facebook paraqshasynda jazdy, - dep habarlaıdy Egemen.kz
"Aýrý kóbinese jeńil jáne ortasha jaǵdaıda ótkenimen aýrýdyń jeńil ótip, kúrdeli jaǵdaı bolyp ketpeýi úshin aǵzany medıkamentozben qoldap otyrý kerek. QR Densaýlyq saqtaý mınıstrliginiń sapa men medısınalyq qyzmet boıynsha birikken komıssııasy KVI-dy dıagnostıkalaý men emdeý hattamasyna aýrýdy ambýlatorııalyq deńgeıde ótkeretin pasıentter úshin 5 preparat engizdi. Bul qabynýǵa qarsy preparattar – Parasetamol men Ibýprofen, Rıvaroksaban, Apıksaban men Dabıgatran sekildi antıkoagýlıanttar", dedi L. Bıýrabekova.
Azamattar ambýlatorııalyq deńgeıde bul preparatty tegin alýy úshin birqatar normatıvti qujatqa ózgerister engizilgen. Atalmysh preparattar ambýlatorııalyq deńgeıde tegin beriletin dári-dármekter tizimine, (QR DSM №666 buıryǵy), Biryńǵaı dıstrıbıýtordan satyp alynatyn dárilik preparattardyń tizimine kirgen.
"Qazirgi ýaqytta koronavırýs ınfeksııasynan emdeý úshin túpnusqadaǵy Baıer (Rıvaroksaban) kompanııasynyń Ksarelto, Pfaızer (Apıksaban) kompanııasynyń Elıkvıs, Berınger Ingelhaım (Dabıgatran) kompanııasynyń Pradaks antıkoagýlıantyn satyp alý boıynsha óndirýshimen kelissózder júrgizilýde", dep jazdy.