"Qazaqstan" teleradıokorporasııasy 2021 jylǵa arnalǵan jańa telehıkaıalarǵa baıqaý jarııalaıdy, dep habarlaıdy Egemen.kz
Usynystar kelesi janrlyq baǵyttar boıynsha qabyldanady:
• ulttyq, otbasylyq qundylyqtar;
• tarıhı tulǵalar jáne tarıhı murany nasıhattaý;
• áskerı-patrıottyq (sport álemindegi kórnekti tulǵalar);
• retrospektıva;
• medısına;
• bilim, kásip ıgerý, jastar tárbıesi;
• tabıǵatqa qamqorlyq;
• aýyl tynys-tirshiligi;
Tarıhı tulǵalar taqyryby boıynsha tómende atalatyn kórnekti tulǵalar týraly telehıkaıalarǵa usynystar qabyldanady: Sáken Seıfýllın, Qanysh Sátbaev, Muqaǵalı Maqataev, Dına Nurpeıisova jáne esimi tarıhqa aınalǵan abyz Domalaq ana ómiri jaıyndaǵy týyndylar.
Baıqaýǵa qatysýshy kompanııa arnaıy konsepsııa joldaýy kerek. Jobanyń ıdeıasy, janry, smetalyq shyǵyny, kompanııanyń tehnıkalyq jaǵdaıy, mamandarynyń biliktilik quramy jáne fılmografııasy qamtylýy tıis. Usynystar fılmder men telehıkaıalar óndirisinde tájirıbesi bar, tehnıkalyq múmkindigi joǵary kompanııalardan ǵana qabyldanady.
О́tinishterdi qabyldaý 2020 jylǵy 30 qyrkúıekke deıin (kaztrk@kaztrk.kz elektrondy poshtasy arqyly) júrgiziledi.