Jambyl oblysynyń Qordaı aýdanynda oryn alǵan qaqtyǵysqa qatysy bar degen kúdikpen biraz adam ustalǵan bolatyn, dep jazady Egemen.kz
Jýyrda Jambyl oblysynyń ákimi Berdibek Saparbaev ustalǵandardyń ata-analary jáne týystarymen kezekti ret kezdesti.
Ákim ustalǵandardyń týystarynyń barlyq ótinishterin muqııat tyńdady. Sondaı-aq, olardyń eshqaısysy nazardan tys qalmaıtynyn jáne prokýratýra, quqyq qorǵaý jáne jergilikti atqarýshy organdarmen qaralatynyn aıtty. Ol barlyq ózekti máseleler Qazaqstan Respýblıkasynyń zańnamasy aıasynda sheshilýi tıis ekendigin jetkizdi. «Biz bolǵan qaıǵyly oqıǵalar 11 adamnyń ólimine ákelip soqtyrǵanyn, 200-ge jýyq adam jaraqat alǵanyn, azamattarymyzdyń múlki zardap shekkenin umytpaýymyz kerek. Sizderdiń barlyq ótinishterińiz qaralady. Ustalǵandarmen kezdesýler men telefon arqyly sóılesýler uıymdastyrylady. Quqyq qorǵaý organdary tergeý jumystaryn aıaqtady. Ol materıaldarmen taraptar tanystyrylýy kerek. Zańdy buzǵan jáne olardyń kinási dáleldengen adamdardyń bári jazalanýy qajet ekenin taǵy da aıtqym keledi. Barlyǵy zań boıynsha bolýy kerek. Bul másele Memleket Basshysy Qasym-Jomart Toqaevtyń jeke baqylaýynda», dedi Berdibek Saparbaev.