Qazgıdromet 6-8 tamyzǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń habarlaýynsha 6-8 tamyz aralyǵynda elimizdiń basym bóliginde aýa raıy qubylmaly bolady.
"Elimizdiń basym bóliginde naızaǵaı oınap, jańbyr jaýady. Batysta jáne soltústik-batysta qatty nóser jaýady. Daýyl soǵyp, burshaq jaýýy da múmkin. Tek elimizdiń ońtústik-shyǵysynda aýa raıy ashyq bolady. Qazaqstannyń soltústigi men ortalyǵynda aldaǵy bir kún ǵana jaýyn-shashynsyz bolady. Elimizdiń keı jerlerinde jel kúsheıedi, ońtústikte, ońtústik-shyǵysta shańdy daýyl turady", delingen habarlamada.