Qyzylorda qalasyndaǵy emdeý mekemelerine jergilikti kásipkerler kómegimen alynǵan qurylǵylar jetkizildi. Indet quryǵyna ilingen jerlesterine járdem bergen azamattardan 39,7 mln teńge jınalyp, oǵan ókpege jasandy tynys beretin 1 apparat pen 15 ottegi konsentratory alynǵan.
«Sát-Servıs», «Baq-Bereke 2030», «Asanas-Dar», «MetPromMontaj», «Nur-Aı Aqjol», «Altyn Aıdarly» jaýapkershiligi shekteýli seriktestikteri men «Sapaq» óndiristik kooperatıvi demeýshiligimen alynǵan qurylǵylardy dárigerlerge tabystaý saltanatyna qala ákimi Nurlybek Nálibaev qatysty. О́kpege jasandy tynys beretin apparat pen 2 ottegi konsentratory qalalyq aýrýhanaǵa berilse, oblystyq juqpaly aýrýlar aýrýhanasyna 3, oblystyq balalar aýrýhanasyna 5, «Ana men bala» ortalyǵyna 5 qurylǵy tabys etildi.
Qıyn kezeńde qoldan kelgen kómegin aıamaı, dertti jeńýge úles qosqan kásipkerlerge shahar basshysy qala turǵyndarynyń atynan alǵys bildirdi. Qazir indetke qarsy kúreske jumylǵan eriktiler qatarynda kásipkerler, qurylysshylar, máslıhat depýtattary da bar. Osy eriktiler eńbegimen az ýaqytta oblys ortalyǵynyń ózinde ǵana 56,2 mln teńgeden asa qarjy jınalyp, aımaq ortalyǵyndaǵy emdeý mekemelerine qajetti qural-jabdyqtar alyndy.
QYZYLORDA