4 tamyz kúni saǵat 23:42 shamasynda Qyzylorda qalasy Polısııa basqarmasynyń kezekshi bólimine qala turǵynynan kámeletke tolmaǵan eki balasynyń oınaýǵa shyǵyp qaıta úıine kelmegendigi jóninde habarlama tústi.
Balalardy izdeý úshin Jergilikti polısııa qyzmeti bóliminiń ıývenaldy polısııa bólimshesiniń jeke quramy jumyldyryldy. Polıseıler barlyq polısııa ýchaskelerine baǵyt-baǵdar berip, adamdar kóp jınalatyn oryndardy, shatyrlar men qaraýsyz qalǵan ǵımarattardy tekserdi.
Izdestirý jumystary barysynda eki bala 3 saǵat ishinde tabylyp, aman-esen úıine jetkizildi.
Túngi ýaqytta kóshe kezgen balalardyń zańdy ókiline QR ÁQBtK-niń 442-baby 2-bólimi boıynsha ákimshilik hattama rásimdelip, eskertý berildi.
Qazir balalarmen jáne olardyń ata-anasymen profılaktıkalyq jumystar júrgizilýde.