Qyzylorda oblysyna #jaqsylyqjarshysy aksııasy aıasynda taǵy da 54 dana ottegi konsentratory jetkizildi, dep habarlaıdy Egemen.kz
Ottegi konsentratorlarynyń 16-sy bloger Dáýlet Muqaevtyń "DAULETTEN", 16-sy Aınur Tursynbaevanyń "Aıdyń nury" qorlary arqyly alynsa, 22-si "BI Group" kompanııasynyń tartýy.
Kurylǵylar "Atameken" UKP qoldaýymen "PONY_EXPRESS_KZ" logıstıkalyq kompanııasy jáne "Air Astana" áýekompanııasy arqyly elimizdiń barlyq óńirlerine joldandy.
Ottegi apparattaryn Qyzylorda oblysy kásipkerler palatasynyń mamandary kútip alyp, qoǵamdyq baqylaý músheleri men joǵaryda atalǵan azamattardyń ókilderine tabystady.
Aıta keteıik, "Jaqsylyq jarshysy" aksııasy aıasynda aıda Qyzylordaǵa 9 apparat kelgen bolatyn. Onyń kóbi Qyzylorda qalasyndaǵy aýrýhanalarǵa taratyldy. Bul jolǵy qurylǵylar Baıqońyr qalasy men 7 aýdandaǵy aýrýhanalarǵa jiberiledi.