Úlken tennısten 31 tamyzda bastalatyn jyldyń negizgi dodalarynyń biri sanalatyn US Open bastalady. Alaıda koronavırýske baılanysty tanymal sportshylar jarysqa qatysýdan bas tartyp otyr.
Atap aıtar bolsaq, US Open týrnıriniń tórt dúrkin jeńimpazy Rafael Nadal jarysqa qatyspaıtynyn málimdedi. Sondaı-aq dál osy týrnırdiń 2016 jylǵy jeńimpazy shveısarııalyq Stanıslas Vavrınka men otandasy Rodjer Federer de týrnırden syrt qalmaq. Federer jaraqatyna baılanysty AQSh-taǵy jarysqa bara almaıdy. Al Vavrınka koronavırýsten qaýiptenedi.
Sonymen qatar álemniń 9-raketkasy Gael Fonfıs, ıtalııalyq Fabıo Fonını, aýstralııalyq Nık Kıros ta týrnırge qatysýdan bas tartty. Uıymdastyrýshylar bıylǵy týrnırdi kórermensiz ótkizýdi josparlap otyr.