Elimizdiń Prezıdenti N.Á.Nazarbaev 2010 jyldyń 29 qańtarynda “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty dástúrli Joldaýyn Parlament palatalarynyń birikken otyrysynda jarııa etti.
“Bárin durys josparlap, saýatty iske asyrǵandyqtan, bizdiń damýymyz sátti boldy”, dep bastaǵan Prezıdent ótken jyldaǵy daǵdarys qarqyny álsiregenimen, qol qýsyryp otyrýǵa bolmaıtynyn, jańa múmkindikterdi paıdalana otyryp, aldymyzdaǵy on jyldyqty ekonomıkalyq órleý jyldary dep, qarqyndy damýǵa qol jetkizý jolynda aıanbaı eńbek etýimiz kerektigin naqty atady.
Ol úshin, 2020 strategııalyq jospar quryp, ekonomıkalyq daǵdarystan keıingi damýǵa ázirleý kerektigi, atalǵan salada ónimdilikti arttyryp, ınnovasııalardy endirý kerektigi atap kórsetildi. Bul kúrdeli mindetti agrarlyq-ındýstrııalyq ártaraptandyrý, ıaǵnı aýylsharýashylyq ónimderin qaıta óńdeýdi shuǵyl arttyrý, osy jolda jańa qural-jabdyqtar men jańa tehnologııalar engizý, buǵan qosymsha jańa mindetterdi sheshe alatyn álemdik tájirıbeni paıdalaný mindeti júkteldi. Mine, aýyl sharýashylyǵyna osyndaı qoldaýlardyń arqasynda azyq-túliktiń 80 paıyzyn ózimizde óndirýge qol jetkizilmek. Bul úlken jetistik dep esepteımin.
Elbasy ártaraptandyrýdyń ózegi, kásipkerlik ekenin eskere kelip, Úkimetke óńirlerde kásipkerlikti damytý jóninde biryńǵaı bıýdjettik baǵdarlama engizýdi tapsyryp, ony “Bıznestiń jol kartasy-2020” dep ataýdy usyndy. Bul baǵdarlama boıynsha jergilikti ákimder orta jáne shaǵyn bızneske servıstik qoldaý kórsetý, nesıeler boıynsha paıyzdyq sýbsıdııalaý, kadrlardy qaıta daıarlaý jáne biliktiligin arttyrý, jastar praktıkasy jáne áleýmettik jumys oryndaryn ashý úshin qarjylandyrýdyń lımıtin ázirlep, olardyń bıznes-jobalary úshin tolyq jaýapty bolatyn boldy. Iаǵnı, kásipkerler ekonomıkanyń qozǵaýshy kúshi bolýy tıis ekeni atap aıtyldy.
Bul Joldaýdyń biz tek ekonomıkamyzdy kóterip qana qoımaı, halyqtyń áleýmettik jaǵdaılaryn jaqsartatynyn da sezip otyrmyz. Orta jáne shaǵyn bızneske kómektesý arqyly kóptegen jumys oryndary ashylyp, jumyssyzdyqtyń tamyryna balta shabylmaq.
Elbasymyzdyń densaýlyq saqtaý, bilim berý, áleýmettik qoldaý, ardagerlerge qamqorlyq, turǵyn úı, saıası máseleler jónindegi tujyrymdy oılary men qoldaýlary halyqtyń arasynda óte zor yqylasqa ıe bolyp otyr.
Osy baǵdarlamanyń ózegi “Nur Otan” HDP bolýy tıis, eshkim syrtta turmaýy kerek, degen sózi partııa músheleriniń bedelin arttyrýmen qatar, úlken jaýapkershiligin júkteıdi. Halyqtyń senimine ıe bolyp kele jatqan “Nur Otan” HDP-nyń músheleri Otanymyzdyń gúldenýine ózindik kóshbasshy bolady dep senemiz.
Turǵanbek QANAEV, “Qurmet” ordeniniń ıegeri, dıqan, “Nur Otan” HDP múshesi.
Ońtústik Qazaqstan oblysy, Shardara aýdany.
JAÝAPKERShILIK JÚKTEIDI
Elbasynyń bıylǵy Joldaýyn kóńil qoıa tyńdadyq. Baıqaǵanymyz – el damýynyń jaqsy kórsetkishteri ulǵaıǵandyǵy. Onyń sebebi – elimizdegi ár adamnyń kóńilindegi maqsattyń dál tabylyp, ákelik qamqorlyqpen sheshilýi. Ásirese, kópultty halyqty yntymaq pen birlikke uıystyrýdy kóregendilikpen nyǵaıta túsýde.
Osynyń arqasynda búgingi kúni EQYU-ǵa múshe 56 memleket arasynan qara úzip shyǵyp, bedeldi uıymdy basqarý ústindemiz. Oǵan qosa Kedendik odaq qurylyp, onyń jaqsy tustary keńinen nasıhattalýda. Bunyń barlyǵy da eli sengen Elbasynyń abyroıly jumystarynyń jemisi, el abyroıynyń artqany dep oılaımyn.
Atqarylyp jatqan árbir is elimizdiń ár azamatyna úlken jaýapkershilik júkteıdi. Kún sanap el abyroıynyń artqanyn kóre almaýshylar men túsingisi kelmeıtinder ár isti synǵa alyp, “tyrnaq astynan kir izdeıtinder” kóbeıe túsetini belgili. “Bastaǵan isin qalaı alǵa jyljytar eken, qandaı deńgeıde aıaqtar eken” dep baqylaıtyndar da bolady. Sondyqtan Joldaýda Elbasynyń aıtqany Qazaqstandy Otanym dep eseptegen ár azamat óz isin úlgili atqarýy tıis. Ár salada eńbek ónimdiligi artýy kerek. Bul baǵytta atqarylar jumys áli kóp. Bizdegi IJО́ kólemi jan basyna 17 myń dollardan bolsa, damyǵan elderde bul kórsetkish 90 myń dollardy quraıdy. Agrosektorda bul kólem 3 myń bolsa, aldyńǵy elder 50-70 myńǵa jetip otyr eken.
Sózimdi qorytyndylasam, anaý nemese mynaý jetpeıdi dep Úkimetke aýyz asha bergen durys emes. Atpaldaı azamattarymyz is kózin taýyp, eńbekteri el ekonomıkasynyń damýyna úles qosyp jatsa, qanekı! Sondyqtan Joldaýdy sanaly árbir azamat oqyp, ózinshe oı túıse ıgi.
Isabaı MEDEÝ, zeınetker-ekonomıst.
Jambyl oblysy, Qordaı aýdany.