JÚRETIN JOLYMYZ UZAQ

Toqsanynshy jyldardyń bas kezinde Qazaqstannyń bolashaq taǵdyry beınebir qyl kópirdiń ústinde turǵandaı bolǵanyna eshkim shek keltire qoımas. El turǵyndary ulttyq quramynyń ártekti bolýy talaı sarapshylar men saıasatshy­lar turǵysynan Qazaqstandy bo­lashaq janjaldar men qaqtyǵys­tardyń ortasyna aınalady deýine sebep bolǵandaı. Respýblıka bas­shysy osynyń bárin eskerip, ult saıasatyn­da kóregendik pen para­sattylyq, qazaqy uǵymmen qara­ǵanda ala qoıdy bóle qyryqpaýdy talap etti. Aldymen ekonomıka, sodan keıin saıasat degen qaǵıda berik usta­lyp, az ýaqyttyń ishinde jas mem­lekettiń basshysy tarapynan eldiń eńsesi tiktelip ketýi úshin qajetti alǵy- shart­tardyń bári jasalyp úlgerdi. Qa­zaqstandaǵy óreli ózgeristerge kórshi elderdiń birqatary qyzyǵa qarasa, ekinshi bireýleri qyzǵana qarady. Kóre­almastyqtyń jeteginde ketkender de jeterlik. Qysqasy, qa­zaq topy­raǵynda órkenıetke baǵyt us­taǵan jańa memleket quryldy. Onyń bá­rin osy tarıhı istiń basy-qa­synda bolǵan Nursultan Nazar­baev­tyń esimimen tyǵyz baılanys­tyra alamyz. Memleket qurý isi – úzdiksiz úderis. Bul dáleldeýdi qajet etpeıtin aksıoma. Osy qısynǵa súıensek, eldiń Tuńǵysh Prezıdenti ózi irgesin qalaǵan memleket pen memlekettilikti odan ári nyǵaıtýda áli de kóp is tyndyra alatynyna eshqandaı kúmán joq. Qazaqstan memleketiniń basshy­sy ekonomıkany kóterýmen qatar ha­lyq­aralyq qarym-qatynastarǵa da te­reń mán beredi. Sóz joq, bul óte qajet másele. Búgingi qazaq­standyq damý jaǵdaıynda kóp vek­tor­ly saıa­sat ustanýdyń artyq­shy­lyǵy mol. Bulaı isteý kez kel­gen memleket bas­shysynyń qoly­nan kele bermeıdi. Osyndaı kóp vektorly saıasat bizdiń Pre­zıdentke tán ekenin taǵy bir qaı­talap aıtý­dyń artyqshylyǵy joq. Qalaı desek te, syrtqy saıasat júrgizý máselelerinde Qazaqstandy alyp ımperııalyq derjavalar – Reseımen, AQSh-pen nemese Qy­taı­men bir qatarǵa qoıa almaımyz. Bulardyń qaı-qaısysy da kúshti, myqty elder. Mundaı elderde saıasat júrgizý máselesi de asa bir qıynǵa túse qoımaıdy. Al Elba­symyz usynyp otyrǵan búgingi qazaqstandyq saıasattyń basty máni men artyqshylyǵy strategııalyq is-josparlarǵa basymdyq berilýinde. Búgingi Qazaqstan tarıhynda jańa saıası jańarý kezeńi bastaldy. Bul halyqtyń kóńiline senim, kókiregine qýanysh uıalatyp otyr. Halyqtyń ózi saılaǵan partııa ókilderi arqyly el bıligine arala­sýynyń qazaqstandyq tájirıbesi ornyqty. Buǵan jańa úlgi­degi Parlament Májilisi men máslıhat depýtattarynyń saılaýlary dálel. Bul saılaýshynyń óz erkin bildirý­degi saıası belsendiliginiń kórinisi. Demek, halyq óziniń erteńine se­nimdi degen sóz. Osyndaı demo­kratııalyq úrdis­terdi ornyqtyra bilgen eldiń Tuńǵysh Prezıdentiniń qadamdary qandaı qurmetke de laıyqty. Halqymyzda ejelden kele jatqan “Esim hannyń eski joly, Qasym hannyń qasqa joly” degen qasterli uǵymdar bar. Bul halqy­nyń bostandyǵy men táýelsizdigi jolynda jan alyp, jan berisken babalardyń kúres joly. Eshqashan eskirmeıtin osy uǵymǵa búginde “Nursultannyń nurly joly” kelip qosyldy. Bul eliniń egemendigin saqtaǵan, halqyn baqytty bola­shaq­qa bastaǵan Elbasynyń jasam­paz da jarqyn joly. Osy joldyń uzaq ta baıandy bolǵanyn qalaımyz. Baqytbek ERǴALIEV, Batys Qazaqstan oblystyq ádilet departamentiniń dırektory.