Qyrkúıek aıynda aralas jekpe-jekten Máskeýde úsh birdeı asa iri halyqaralyq jarystyń jalaýy jelbireıdi. Solardyń barlyǵynda Qazaqstannyń sportshylary óner kórsetedi, - dep habarlaıdy Egemen.kz.
5 qyrkúıekte Máskeýde ASA týrnırinde Nursultan Qasymhanov cheshenstandyq Álıhan Súleımanovpen saıysqa túsedi. Dál osy sportshy bıyl kóktemde bizdiń Ermek Tlaýovqa tize búktirgen bolatyn. Endi Ermek jibergen eseni Nursultan qaıtarýǵa tıis.
19 qyrkúıekte dál sol ASA dodasynda tórt birdeı jerlesimiz jarys jolyna shyǵady. "Alash Praıd" klýbynyń músheleri – Asyljan Baqytjanuly men Artem Reznıkov tym myqty qarsylastarǵa tap bolyp otyr. «Saq» degen laqap atpen tanymal qandasymyz Alekseı Býtorınmen aıqasady. Sankt-Peterbýrg qalasynyń týmasy 19 ret oktagonǵa shyǵyp, 15 básekede basymdyq tanytty. Sol kezdesýleriniń barlyǵynda ol qarsylasyn esinen tandyrdy. Otandasymyz Iýsýf Raısovpen kúsh synasady. Groznyıdaǵy «Ahmad» klýbynda jattyǵatyn saqa sportshy 17 básekeniń tek bireýinde ǵana utyldy. Qalǵandaryn óz paıdasyna sheshti. 10 kezdesýdi ol merziminen buryn aıaqtady. Sondaı-aq, sol keshte Nurbergen Sháripov pen Georgıı Kıchıgın de jekpe-jekke shyǵady.
Al 9 qyrkúıekte Irına Vıner-Ýsmanova atyndaǵy sport saraıynda áıgili bapker Abdýlmanap Nurmagomedovty eske túsirýge arnalǵan halyqaralyq týrnırdiń tusaýy kesiledi. Sol jarysta Dáýren Ermekov Ekaterınbýrgtiń ókili Vladımır Mıneevpen sheberlik baıqasady.