Qazaly aýdanynyń ákimi Murat Ergeshbaev aýyldardy aralap, «Jumyspen qamtýdyń jol kartasy» jáne «Aýyl – el besigi» baǵdarlamalary aıasynda atqarylyp jatqan jumystarmen tanysty.
Osy sapar aýdan basshysy aýyl turǵyndarymen kezdesip, ár sala boıynsha qoıylǵan saýaldarǵa jaýap berdi.
– Bıyl bárimiz úshin qıyn ýaqyt boldy. Alaıda halyqty eńbekpen qamtyp, jumyssyzdyqtyń aldyn alý úshin 2020-2021 jyldarǵa arnalǵan jumyspen qamtýdyń Jol kartasy qabyldandy. Sonyń nátıjesinde ózekti máselelerdiń túıini tarqatylyp, birqatar sharýanyń sheshimi tabyldy, – dedi aýdan ákimi turǵyndarmen kezdesýde.
Kezdesýge jınalǵan turǵyndar eldi mekenderdegi keıbir máselelerdi ortaǵa saldy. Aýyl kóshelerin jóndeý, kásipkerlikpen aınalysýshylarǵa qoldaý kórsetý, ınternet jelisiniń jyldamdyǵyn arttyrý baǵytynda usynystar aıtyldy.
Al, Bekarystan bı men Maıdakól aýyldarynyń turǵyndary medısına mekemelerindegi dárigerler sanyn kóbeıtýdi surasa, túktibaevtyqtar aýylǵa bankomat ornatý jóninde usynys aıtty. О́rkendeý aýyldyq okrýginiń halqy Jankent pen Birlik aýyldaryna jańa jedel járdem kóligin alyp, «Qarlań» ótkeline temir-beton kópir salý jaıyn qozǵady.
О́z kezeginde aýdan basshysy Murat Ergeshbaev el úshin mańyzdy máselelerdi sheshý jolynda birlese jumys atqaratyndyǵyn tilge tıek etti. Turǵyndar tarapynan kóterilgen usynys-pikirlerdiń árbiri muqııat zerttelip, keıbirin ońtaıly sheshý úshin Senat depýtattarynyń nazaryna jetikiziletin bolady.
Aıta keteıik, Qazaly aýdanynda «Jumyspen qamtýdyń 2020-2021 jyldarǵa arnalǵan jol kartasy» memlekettik baǵdarlamasynyń aıasynda quny 3 mlrd 11 mln 89 myń teńge bolatyn 42 joba iske asyrylyp jatyr. Al, «Aýyl – el besigi» baǵdarlamasy arqyly bólingen 930,4 mln teńgege Bekarystan bı aýylynda aýqymdy jumystar atqarylýda.