Qyzylorda qalasyndaǵy jańa aýdannyń biri sanalatyn «Báıterek» turǵyn aýdanynda 600 oryndyq mektep salynyp jatyr. Oblys ákimi Gúlshara Ábdiqalyqova osy qurylys basynda bolyp, jańa bilim oshaǵyna kirpish qalady. Sharaǵa QR Parlamenti Májilisiniń depýtattary Balaıym Kesebaeva men Natalıa Jumadildaeva qatysty.
Osydan 4 jyl buryn Qyzylorda-Jezqazǵan trassasynyń boıynan 6600 otbasyna arnalǵan «Báıterek» shaǵyn móltek aýdany ashylǵan. Búginde bul aýdanǵa 70 otbasy qonystansa, olardyń mektep jasyndaǵy oqýshylary qala ortalyǵyndaǵy mektepterge qatynap bilim alýda.
Mektep 2020-2021 jyldarǵa arnalǵan Jumyspen qamtýdyń jol kartasy aıasynda iske asýda. Bilim oshaǵyn salýǵa 1,2 mlrd.teńge qarjy bólingen. Jańa mektep jyl aıaǵyna deıin paıdalanýǵa berilmek.
Aldaǵy 3 jyldyń josparyna sáıkes «Báıterek» shaǵyn móltek aýdanynda mektep jasyndaǵy oqýshylar sany 1500-ge jýyq bolady dep josparlanýda. Jańa mektep oryn tapshylyǵy máselesin sheshedi.
Aıta keteıik, qazir oblysta 8 mekteptiń qurylysy júrgizilýde. Oqý jylyna Qyzylorda qalasynan jáne Jalaǵash aýdanynan 2 mektep aıdalanýǵa beriledi dep josparlanýda. Sonymen qatar, 4 mekteptiń qurylysy júrgizilýde. Onyń ishinde Aral aýdany, Sekseýil kentindegi 300 oryndyq mektep jyl sońynda aıaqtalmaq.