Sáýlesin shashqan eline
Aspandaǵy shyraqsyń.
Aqqan juldyz sekildi,
Oıyń júırik pyraqsyń.
Ádildiktiń aq Týyn
Berik usta qolyńda.
Talaı taǵdyr toǵysqan,
Jatyr seniń jolyńda.
Arystandaı aıbatyń,
Jolbarystaı qaıratyń,
Bıliktiń jeli kóterip,
Tabanyń taqtan taımasyn.
Jaqsylyǵyń kóp bolyp,
О́se bersin talabyń.
Etene bop elińmen
Kádesine jaraǵyn.
Tıgen jerin qııatyn
Altyn júzdi almassyń.
Súıekke bitken talantyń
Urpaǵyńa jalǵassyn.
Qurmanǵazynyń orkestrinde, beınelep aıtqanda, júz adam oınaıdy. Júz adamnyń qolynda júz túrli aspap bar, daýystary bir-birine uqsamaıdy. Al belgili bir kúı tartqanda bir-aq aspaptyń daýysyndaı shyǵady, jurttyń báriniń nazary dırıjerdiń shybyǵynyń ushynda bolady.
Qoǵamǵa da dál osyndaı birlik kerek, álemde de, ómirde de egesiz nárse joq, birliktiń egesi de óziń. Myqtap usta, el birligi nyǵaıa bersin!
Áýbákir JAPPAROV, Uly Otan soǵysynyń ardageri.
Ońtústik Qazaqstan oblysy, Otyrar aýdany, Sháýildir aýyly.