Túrkııanyń Antalııa kýrorttyq qalasynyń meri Mýhıttın Bedjek koronavırýs juqtyrǵanyn TASS habarlaıdy, - dep jazady Egemen.kz
"Meniń búgingi koronavırýsqa tapsyrǵan dıagnozym oń nátıje berdi. Qazir men jaqsy kóńil-kúıdemin. Aýrýhanaǵa oqshaýlandym. Dárigerler meniń jaǵdaıymdy baqylap otyr", dep jazdy Twitter-degi paraqshasynda. Sondaı-aq ol, gıgıena jáne áleýmettik qashyqtyqty paıdalaný erejelerin saqtana otyryp, betperdelerdi qoǵamdyq oryndarda taǵyp júrýlerin atap ótti. "Jaqyn arada kezdesemiz dep úmittenemin", deıdi Mýhıttın Bedjek.
Koronavırýs alǵash ret Túrkııada 10 naýryzda Eýropadan oralǵan jergilikti turǵynnan anyqtaldy. Qazirgi ýaqytta elde juqtyrǵandardyń jalpy sany 249 myńnan asty, onyń 5 974-i qaıtys bolsa, 230 969-y saýyǵyp ketti.