Densaýlyq saqtaý mınıstrligi Qazaqstannyń halqy úshin dárilik zattardyń úzdiksiz jáne qoljetimdi bolýyn qamtamasyz etý boıynsha turaqty negizde jumys júrgizýde, - dep habarlaıdy Egemen.kz.
Densaýlyq saqtaý mınıstrligi Qazaqstandaǵy dárilik zattardyń bólshek saýda naryǵyn qoldaý úshin birqatar keshendi sharalar qabyldady. Onyń ishinde, 11 ushaq arqyly shet elderden 9,2 mln-nan astam qaptama (50 ataý) suranysqa ıe dárilik zattar jetkizildi. Atalǵan preparattar Qazaqstannyń barlyq oblystary arasynda birkelki bólindi, jergilikti atqarýshy organdar óńirlerge ýaqtyly jetkizilýin qamtamasyz etti.
Budan basqa, ár oblystyń jáne respýblıkalyq mańyzy bar qalalardyń ákimdikteri azamattardyń dári-dármekterge degen qajettiligin úzdiksiz qamtamasyz etý úshin jergilikti turaqtandyrý qorlaryn uıymdastyrdy. Qosymsha, jergilikti bıýdjetter qarjysyna 10 mlrd. teńgeden astam somaǵa suranysqa ıe dárilik zattardy satyp alý júzege asyrylýda.
Sonymen qatar Densaýlyq saqtaý mınıstrligi elimizdiń aýmaǵyna dárilik zattardy jetkizý rásimin jeńildetti. Atap aıtqanda, ruqsat berý qujattaryn berý merzimi 1 (bir) táýlikke deıin qysqartyldy, ónimniń qaýipsizdigi men sapasyn baǵalaý (sertıfıkattaý) tek deklarasııalaý arqyly jáne ótinim qabyldanǵan kúnnen bastap 3 jumys kúninen aspaıtyn merzimde júrgiziledi.
Aǵymdaǵy jylǵy 11 shildeden bastap 12 tamyz aralyǵynda Densaýlyq saqtaý mınıstrligi dárilik zattar men medısınalyq buıymdardyń 562 ataýyn ákelýge 610 ruqsat berdi.
Sondaı-aq 2020 jylǵy 1 shildeden bastap 12 tamyz aralyǵynda Mınıstrlik 8,0 mln qaptamadan astam dárilik zattardyń 49 saýda ataýyna qaýipsizdigi men sapasy týraly 392 qorytyndy berdi.
Bólshek saýda jelisi men aýrýhanalardyń qajettilikterin qanaǵattandyrý úshin otandyq farmasevtıkalyq óndirýshiler antıbıotıkter óndirisiniń aılyq kólemin ulǵaıtty. Mysaly, Azıtromısındi óndirý aıyna 300 myń qaptamaǵa deıin jetkizildi, al Levofloksasın (500 mg) aıyna 100 myń qaptamaǵa deıingi kólemde shyǵarylady.
Jalpy alǵanda otandyq óndirýshiler aǵymdaǵy jyldyń shilde aıynda respýblıka naryǵyna suranysqa ıe dárilik zattardyń 600 myńnan astam qaptamasyn jetkizdi.
Budan basqa, dárilik zattardyń tapshylyǵy baıqalǵan jaǵdaıda biryńǵaı dıstrıbıýtor SK «Farmasııa» tarapynan dárilik zattar naryǵynda ıntervensııa júrgiziletin bolady.
Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq departamentteri kúndelikti negizde suranysqa ıe dárilik zattardyń 21 ataýy boıynsha monıtorıngti júzege asyrady.
Qazirgi ýaqytta monıtorıng qorytyndysy boıynsha elimizdiń kóterme saýda qoımalary men dárihanalarynda dárilik zattar qorynyń turaqty ósýi baıqalady. Aǵymdaǵy jyldyń shilde aıymen salystyrǵanda ystyqty túsiretin, antıbıotıkterdiń, vırýsqa qarsy preparattar men antıkoýgýlıanttardyń qory 100%-dan astam ósti, al keıbir pozısııalar boıynsha ósim 5 eseden astamdy quraıdy. Atap aıtqanda, parasetamol qory 2,5 ese, seftrıakson qory 5 eseden astam ósti.
Densaýlyq saqtaý mınıstrligi Qazaqstannyń halqy úshin dárilik zattardyń úzdiksiz jáne qoljetimdi bolýyn qamtamasyz etý boıynsha turaqty negizde jumys júrgizýde.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.