ÝEFA Chempıondar lıgasynyń bıylǵy maýsymy da máresine taıap keledi. Lıssabondaǵy (Portýgalııa) «Da Lýsh» stadıonynda ótken jartylaı fınaldyń alǵashqy oıynynda PSJ klýby «Leıpsıgti» iri eseppen jeńip, tarıhta tuńǵysh ret fınalǵa joldama aldy.
Birinshi taımda PSJ quramynan Markınos pen Dı Marııa bir-bir goldan soǵyp esepti 2:0-ge jetkizse, ekinshi taımnyń basynda Hýan Bernat mergendigimen kózge tústi. Matchtyń sońyna deıin osy esep ózgerissiz qalyp, Parıj komandasy 3:0 nátıjesimen jeńiske jetti. Match barysynda Anhel Dı Marııa gol soǵyp qana qoımaı, eki golǵa da assıstenttik jasady.
Osylaısha 50 jyldyq tarıhy bar Fransııanyń «Parı Sen-Jermen» klýby tarıhta tuńǵysh ret Chempıondar lıgasynyń fınalynda oınaýǵa múmkindik aldy.