Demokratııalyq partııa atynan Kalıfornııa senatory Kamala Harrıs AQSh vıse-prezıdenttigine úmitker retinde usynyldy. Bul týraly Vıskonsın shtatyndaǵy Mılýokıde onlaın formatta ótken demokrattar sezinde jarııalandy, dep habarlaıdy Egemen.kz
Kamala Harrıs osy laýazymǵa usynylǵan alǵashqy afro-amerıkalyq áıel boldy. Ol buǵan deıin demokrattar atynan AQSh prezıdenttigine resmı túrde usynylǵan Djo Baıdenmen birge saýlaýǵa túsedi.
Kongreste K.Harrıs eldegi áli de bolsa, dúrbeleńi basyla qoımaǵan násilshildik máselesi týraly sóz qozǵady. Atalǵan jaıttan keıin Amerıkada afro-amerıkalyqtardyń jáne jergilikti turǵyndardyń koronavırýs indetinen ólim qushqandar sany óskenin atap ótti.
Onyń pikirinshe, bilim men densaýlyq salasynda, ana men bala densaýlyǵynda, turǵyn úı men jumyspen qamtý máselesinde jáne kólik salasyndaǵy turaqsyzdyqtardyń barlyǵy – qoǵamnyń násilshildikke boı aldyrýynda dep naqtylady. Sondaı-aq bul "násilshildik" júıesi sot tóreliginde de jıi ádiletsizdikke ushyraıtynyn aıtyp ótti.
Buǵan deıin K.Harrıs prezıdenttikke úmitker bolǵan. Alaıda bastapty saılaý minberlerinde-aq qýantarlyq nátıje kórsetpegen. 77 jastaǵy Baıden vıse-prezıdent retinde saılanǵan jaǵdaıda, 55 jastaǵy Harrıs ol ketkennen keıin partııa jetekshisi bolady. Eger azamatsha vıse-prezıdent oryndyǵyna otyratyn bolsa, qara násildi áıel retinde Amerıka tarıhynda alǵashqy saıasatkerlerdiń birine aınalmaq.
AQSh-ta prezıdent saılaýy 3 qarashada ótedi. Respýblıkashylardan olarǵa qarsy úmitker retinde qazirgi Memleket basshysy Donald Tramp baq synaıdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.