Qazaqstan fýtbol federasııasynyń Atqarýshy komıtetiniń arnaıy otyrysynda fýtzaldan el birinshiligi 2020 jyldyń 12 naýryzyndaǵy týrnır kestesimen aıaqtalǵany belgili boldy.
QFF Atqarýshy komıtetiniń bulaı sheshim qabyldaýyna karantın sharalary jalǵasyp, jabyq sport nysandarynda jarys uıymdastyrýǵa tyıym salynǵany, birinshiliktiń 70 paıyz oıyndary ótip qoıǵany, fýtzaldan ÝEFA Chempıondar lıgasyna qatysatyn qazaqstandyq komandalardy anyqtaý jáne týrnırge qatysý úshin ótinishti tez arada jiberý qajettiligi sebep bolǵan.
Fýtzaldan ishki birinshilik ýaqytsha toqtatylǵanǵa deıingi týrnır kestesinde Almatynyń «Qaırat» klýby 16 oıynnan keıin 44 upaımen kósh bastap turǵan. Al 20 match ótkizgen Aqtóbeniń «Aqtóbe» klýby 36 upaımen ekinshi orynda bolǵan. Osylaısha fýtzaldan ÝEFA Chempıondar lıgasynda el namysyn «Qaırat» pen «Aqtóbe» qorǵaıdy.