Germanııadaǵy federaldy aımaq Soltústik Reın-Vestfalııa úkimetiniń premer-mınıstri Armın Lashet dástúrli túrde jyl saıyn ótkiziletin dýmandy karnavaldyń bıyl bolmaǵany durys dep esepteıtinin WDR telekompanııasyna bergen suhbatynda aıtty, dep jazady REGNUM AA.
Karnavaldyq assosıasııalarmen birlese osyndaı uıǵyrymǵa kelip otyrmyz, sebebi 11 qarasha kúni dástúr boıynsha halyq oıyn-saýyǵymen dalaǵa lap qoısa COVID-19-dyń qarmaǵyna el bolyp túsip, saldarynan es jııa almaı qalýymyz múmkin, degen Lashet.
Iıa koronavırýs engeli jer jahandaǵy qalypty tirlik ózgeshe jolǵa túsken-di. Lashet: «Karnavaldy bıyl ótkizý, memlekettiń halqyn indetten qorǵaımyn degen nıetine jasalǵan qarsylyq», dep baǵalaıtynyn aıta kele, degenmen bul máseledegi naqty sheshimniń 2-3 aptanyń ishinde tolyq konsensýqa jetkende baryp qabyldanatynyna toqtaldy.
Budan buryn Germanııada jazdyń jadyraǵan kúnderinde dástúrli túrde ótkiziletin «Mergender merekesin» toılaýǵa da tıym bolǵanyn eske salǵan ol.
Jyl saıyn qarashanyń 11-de bastalatyn «Kıoln karnavaly» Soltústik Reın-Vestfalııa boıyn úsh boıyna dýmanǵa toltyryp, elge týrısterdi de shaqyratyn.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.