Nurlan Sabýrov Dýbaıda ótken konsertinde ázilkeshterdiń saıası basshylyq qyzmetterde bolýyna qatysty pikir bildirdi. Ol ázilkeshterdi saıasatqa aralastyrý durys emes dep sanaıtynyn aıtty, dep habarlaıdy Egemen.kz.
Eske sala keteıik, bıyl qańtar aıynyń sońynda Sabýrovqa Reseıge kirýge 50 jylǵa tyıym salynǵan bolatyn. Sodan keıin aqpan aıynda ol elge oralyp, Qazaqstanda turyp jatyr. Dýbaıdaǵy kesh barysynda ol ózine qatysty qyzyqty usynys bolǵanyn jetkizdi.
«Maǵan Stepnogorsk qalasynyń ákimi bolýdy usyndy. Biraq, menińshe, ázilkeshti saıası jetekshi etip qoıý – nashar ıdeıa. О́ıtkeni men barlyq dostarymdy laýazymdy qyzmetterge taǵaıyndap jiberer edim», dep ázildedi Sabýrov.
Eske sala keteıik, Ishki ister organdary Sabýrovqa qatysty qylmystyq is qozǵalmaǵanyn, biraq Ulttyq qaýipsizdik komıteti tekserý júrgizip jatqanyn habarlady.