Qazaqstan Respýblıkasynyń Syrtqy ister mınıstrligi ǵımaratynda osy mınıstrlik basshysynyń birinshi orynbasary – EKSPO-2017 halyqaralyq mamandandyrylǵan kórmesiniń komıssary Rápil Joshybaevtyń Germanııa Federatıvtik Respýblıkasy Býndestagynyń depýtaty Iýrgen Klımkemen kezdesýi boldy, dep habarlady QR SIM-iniń baspasóz qyzmeti.
Qazaqstan Respýblıkasynyń Syrtqy ister mınıstrligi ǵımaratynda osy mınıstrlik basshysynyń birinshi orynbasary – EKSPO-2017 halyqaralyq mamandandyrylǵan kórmesiniń komıssary Rápil Joshybaevtyń Germanııa Federatıvtik Respýblıkasy Býndestagynyń depýtaty Iýrgen Klımkemen kezdesýi boldy, dep habarlady QR SIM-iniń baspasóz qyzmeti.
Suhbattastar Qazaqstan men Germanııa arasyndaǵy saýda-ekonomıkalyq jáne saıası yntymaqtastyq máselelerin talqylady. Sondaı-aq, balamaly jáne qaıtalama energetıka salasyndaǵy tehnologııalar men ınnovasııalar boıynsha ózara is-qımyl, nemis kompanııalarynyń EKSPO-2017-ge qatysýy máselelerin sóz etti.
R.Joshybaev kórmeniń Qazaqstan úshin mańyzyn, onyń el ekonomıkasyn ártaraptandyrýdaǵy rólin atap ótti. EKSPO-2017-niń komıssary, sondaı-aq, Germanııa kásiporyndary «jasyl» energetıkany qosa alǵanda, aldyńǵy qatarly tehnologııalar salasynda álemdik kóshbasshylardyń biri bolyp tabylatynyn atap kórsetti.
Iý.Klımke óz kezeginde Qazaqstan men Germanııa arasyndaǵy ekijaqty qarym-qatynastardyń tyǵyz baılanysy men joǵary mártebesin atap ótti. Býndestag depýtaty EKSPO-2017-ge daıyndyq barysyn joǵary baǵalaı kelip, kórmeni nemis qoǵamynda sapalyq turǵydan durys kórsetý boıynsha birqatar usynystaryn aıtty jáne EKSPO-2017 jumysyna joǵary belsendilikpen qatysýǵa qyzyǵýshylyq tanytty.
Fotoderek
London. 1851 jyl.
Tehnıkalyq jáne tehnologııalyq jetistikterdi áıgileıtin halyqaralyq Ekspo kórmesi eń alǵash ret 1851 jyly 1 mamyr men 15 qazan aralyǵynda Londondaǵy Gaıd-parkte Djozef Pakstonnyń Hrýstal saraıynda Albert hanzadanyń bastamasymen ótkizilgen edi. Alǵash ótken álemdik bul kórmede óndiristik taýarlar men qolóner sheberleriniń buıymdary,
alýan túrli máshıneler, óndiristik ádistemeler, sondaı-aq, paıdaly qazbalar men beıneleý óneriniń týyndylary qoıyldy.
Parıj. 1855 jyl.
Araǵa tórt jyl salyp ekinshi ret uıymdastyrylǵan halyqaralyq kórme 1855 jylǵy 15 mamyr men 15 qarasha aralyǵynda Fransııada Napolen hanzadanyń qamqorshylyǵymen ótkizildi. Bul jolǵy kórmeni de álemdik eńbek ónerkásibiniń, aýyl sharýashylyǵy men ásem ónerdiń jahandyq jaımasy dep ataýǵa tolyq negiz bar edi. Jalpy aýmaǵy 16 gektar jerdi alyp jatqan alyp kórmege 34 el óz pavılonyn ákelip qoıdy. Sol jolǵy kórmeni 5 mıllıonnan astam adam tamashalaǵan edi.