Ońtústik Qazaqstan oblysyndaǵy Shardara balyq zaýytyn jańartý jumysyn aıaqtaýǵa jaqyn qaldy. Bul týraly Otyrar.kz habarlady.
О́ndiristi tolyq modernızasııalaýdy «Agrarlyq nesıe korporasııasy» aksıonerlik qoǵamy júzege asyrý ústinde. Olardyń qolǵa alǵan isiniń jalpy quny 182 mln. teńgeni quraıdy. Endi jylyna 1000 myń tonna balyq óńdeıtin zaýyt 100-den asa jergilikti turǵyndardy jumyspen qamtýdy kózdep otyr.
« Shardara balyq zaýytynyń irgetasy qalanǵanyna biraz jyldyń júzi boldy. Zaman talabyna saı óndiristi jańa tehnologııamen jabdyqtaý isi jaqyn arada aıaqtalady. Taǵy bir atap óterlik, bul zaýyttyń jumysyn jandandyrý úshin qosymsha aýdan ortalyǵynan ındýstrııalandyrý ortalyǵy ashylǵaly otyr»,-deıdi Shardara aýdanynyń ákimi Qamytbek Aıtóreev.
Bul zaýyttyń kúnine 10 tonna balyqty qabyldaýǵa múmkindigi bar. Sony tazalap, óńdep Reseı men basqa da elderge jóneltýdi josparlaýda. Zaýyt basshylyǵy balyqtardy óz aımaǵynan jáne Aral aýdanynan kelisim-shart negizinde alady eken. Osylaısha otandyq naryqty sapaly ónimmen qamtamasyz etý isi taıaý arada óz sheshimin tabady.
Baqytbek Keneshuly.