Karantın sharalary engizilgennen keıin Nur-Sultanda jaıly qoǵamdyq oryndarǵa suranys artty. Turǵyndar taza aýada serýendeýge kóbirek mán bere bastady, - dep habarlaıdy Egemen.kz qala ákimdiginiń baspasóz qyzmetine silteme jasap.
Kóktemnen bastap elorda ákimdigi aýlalardy, saıabaqtardy, skverler men býlvarlardy abattandyrý boıynsha aýqymdy jumystar júrgizip keledi. Jumystar qalanyń eski bóligine basa nazar aýdara otyryp, elordanyń barlyq aýdandarynda júzege asýda. Baıqońyr aýdanynda abattandyrylǵan aýlalar sany – 50, Saryarqada – 40, Almatyda – 33, Esil aýdanynda 20-dan astam.
"Bul jer qaraýsyz, bos jatqan. Biz odan aınalyp ótetinbiz. Qazir bizdiń jeke shaǵyn saıabaǵymyz bar. Balalarǵa unaıdy. Aǵashtar otyrǵyzyldy. Biz rızamyz, óıtkeni balalar óte qýanyshty. Endi munda jaıly ýaqyt ótkizýge bolady. Pandemııany eskersek, densaýlyǵymyzǵa kóbirek ýaqyt bólý mańyzdy. Demek, ashyq aýada sportpen shuǵyldaný kerek. Munda fıtnes aımaǵy da bar, balalar fýtbol oınaı alady", – deıdi О́ndiris (Lesozavod) turǵyn alabynyń turǵyny Tileýles Jańabaıqyzy óz áserimen bólisip.
"Aýla eresekter úshin de, balalar úshin de, demalys, sport, serýendeý úshin de óte qolaıly. Buryn bul jer qaraýsyz qalǵan bolatyn. Búginde ol zaman talabyna saı tamasha demalys orny jáne osy kóshe turǵyndary kóńil kóteretin orynǵa aınaldy", – deıdi Nur-Sultan turǵyny Qazbek Bıqadamov (Almaty aýdany).
Esterińizge sala keteıik, bıyl elordada 150 aýla men 50 qoǵamdyq oryn (saıabaqtar, skverler, býlvarlar) abattandyrylady. Máselen, osy jazda tuńǵysh ret kópir astyndaǵy demalys aımaǵy (Saraıshyq kóshesi, Arqar kópiri) abattandyryldy. Jańa keńistik Trıatlon men Prezıdent saıabaqtaryn biriktiredi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.